كفّك كفيفة بلا ساعد

[المعلم]

--------------------------------------------------------------------------------
تلبية لطلب بعض الإخوان تم عرض الكسرة هنا بالإضافة إلى قسم الكسرة



رجع بعد عطلـة الاسبـوع=مجاهد وفي موقفه صامـد
يسجل أهـداف للموضـوع=سعيـه لمستقبـل واعــد
المبتـدى دائمـا مرفـوع=وكرسي تحت همزة البائـد
صلى صلاة الفجر بخشـوع=قبل الجرس كـان متواجـد
باخلاص جاء للعمل مدفوع=يطلب رضا ربـه الماجـد
يشعل عليه الطريق شموع=حرصا على جيلنا الصاعـد
الجهل أقسى صنوف الجوع=حظك مـع العلـم متزايـد
ينصت مع متابع المطبـوع=ويصبر لوان الأمـر كايـد
فالفصل تمم على المجموع=أحصر معي ذهنك الشـارد
صوته بكل الفصل مسموع=غفله من البعض شيء وارد
معلـم وللمعرفـه ينبـوع=نواتج الخيـر لـه شاهـد
اعمار شتى وشتى طبـوع=ذا مـاء جـاري وذا راكـد
يوم استلم جدوله مشفـوع=بإشراف ومراقـب ورائـد
وتقويمك المستمر مجمـوع=لا فيـه ناقـص ولا زايـد
تشعبت أوجـه المشـروع=وهذا سبـب قلـة العائـد
إن قالوا الكوع مثل البـوع=أظنـه بيكـثـر الفـاقـد
صحيح فالصبر فيه نفـوع=صبره على عيالـه الوالـد
ماينفع الساق دون فـروع=كفـك كفيفـه بـلا ساعـد
لازال للعلـم فينـا رجـوع=تعّلـم تـحـاور النـاقـد
على المعلم في عيني دموع=لما اَتَحـاور مـع الجاحـد
تجـاوز الحـد والممنـوع=كشّر عن أسنانـه الحاقـد
معلمـك أيهـا المـخـدوعِ=رسالتـه رسالـة القـايـد