مبارك للشاعر ( صالح فايز السناني) فوزه بمسابقة الشعر الشعبي

[أبو سفيان]

وهذه هي القصيدة الرائعة التي رشحها المحكّمون للشاعر السناني :


البارحه من خشية الرب هليت=دمع الخشوع وقلت ياربي اهداك
بكيت بين ايديك يامحيي الميت=ساجد لوجهك طالباً منك رحماك
يامن ليا ضاقت وفي ضيقها أزريت=دعوات عبدك صوب عرشك ترجاك
كأني بتقصيري غفلت وتماديت=رحماك سامح عبدك اللي ترجاك
رحماك يارب السموات والبيت=طالبك عفوك وارجي اليوم حسناك
سبحانك اللي فوق عرشك تعليت= أنت العزيز وماحلا وقت نجواك
يالعبد وش عذرك ليا من تناسيت=وأهملت دينك واستبدت خطاياك
وضيعت عمرك بالمعاصي وقفيت=وفارقت أهلك وربعك ودار مرباك
وأصبحت في قبرك لحالك وناديت=وماحد يرد الصوت ماينفع نداك
وجاك الحساب وقلت ياليت ياليت=ياليت جنبت هذا وهذاك
ياليتني بالليل قمت وتوضيت=ياليت عمري سجدة(ن) عند مسعاك
ياليتني رحت المساجد وصليت=ولاشفت شي اسمه معسل وتنباك
ياليتني بين الملبين لبيت=والا مع الابرار في يوم لقياك
ياليتني من مالي تصدقت واعطيت=مادام مالي من وهايب عطاياك
ياليتني غضيت طرفي وصديت= عن مغريات ماتساوي بهاياك
ياليتني لأمي وابويه تفانيت=وارضيتهم واحسنت في غاية رضاك
ياليتني بخصال ديني تحليت=مااحلاك ياوقفت عرفات ماحلاك
ياليتني في سيد خلقه تقديت=ذاك الأمين اللي ختم دين بشراك
يالادمي لصرت حي وتعافيت=سبح وكبر في صباحك وممساك
واغنم حياتك قبل يوم التناهيت=اتبع طريق الخير لاتغرك خطاك
مااسعدك ياللي لانتهيت وتوفيت=تهدي كتابك وأنت راضي بيمناك
وما تعسك ياللي ضاق قبرك وونيت=صفر اليدين وجاك فعلك وبكاك

صالح بن فايز السناني



وعلى الأخ السناني الاتصال بالمعاصر أو بنا شخصيا برسالة خاصة لمعرفة الطريقة التي نوصل بها الجائزة إليه ونبارك له هذا الفوز
والشكر موصول أيضا لمن شاركونا من الشعراء الكرام وبخاصة ( الحازم) (وماجد الجهني )

كما لا يفوتنا الإشادة بالأخ العزيز (الرسمي ) الذي تبرع بالجائزة واقترح المسابقة 00وكما تعلمون فالجائزة هي:

(تذكرة ذهاب وعودة للعمرة مع إقامة يومين في مكة المكرمة )

[أمجد الريفي]

ألف مبروك على الجائزة
وعمرة مقبولة إن شاء الله
كما أشكر الرسمي
على تبرعه بالجائزة

[الرسمي]

مبروك الاخ صالح الف مبروك

ومبروك للحازم ومبروك لماجد الحبيشى وكلكم تستاهلون والمنتدى فخور بكم .

[الجهني]

ألف مبروك للشاعر / صالح السناني
بهذه الجائزة وشكراً
جزيلاً للشاعرين القديرين
الحازم وماجد الجهني على المشاركة ومبروك للجميع وكل عام وأنتم بخير
وجزى الله الأخ الرسمي مقدم الجائزة كل خير وجعلها الله في موازين حسناته

[الحازم]

الف الف الف مبروك
اخوي الشاعر صالح السناني
وتقبل الله منك العمره
وتستاهل اخوي كل خير
وقصيده رائعه من شخص رائع
وأشكر ايضاً اخوي الرسمي
مقدم الجائزه
جعلها الله في ميزان حسناته
وتقبلوا تحياتي
اخوكم / الحازم

[أبو تركي]

الأخ العزيز / صالح بن فايز السناني

ألف مبروك فوزك بالجائزة والتي تعتبر أضخم وأروع جائزة على مستوى المنتديات وأنت تستاهل كل خير فشعرك لا يحتاج إلى تحكيم وخاصة شعر المناسبات .

ومن هنا أتقدم للأخ العزيز الرسمي بالشكر الجزيل لتقديمه هذه الجائزة الضخمة وأقول بيض الله وجهك وجزاك الله ألف خير .

ولا تنسانا يا سناني بالدعاء في مكة .

كما يسلم عليكم ( ماجد بن مبارك الحبيشي ) ابن الشاعر المعروف ( مبارك مقبل الحبيشي ) ويقول لكم ألف مبروك للفائز وألف شكر لمقدم الجائزة وألف شكر لصاحب المنتدى .


وتقبلوا التحية