مرحبا فيك ياالحازم

[الجهني]

اخي الحازم / مساك الله بالنور والسرور

استلم
===
مرحبا فيك ياالحازم وهات المعاني = عد من سار فارض الله بعرض(ن)وطوله
من يجيب الحقيقة يستحق التهاني = كيف رايك ياحازم ويش قول(ن) تقوله



تقبل تحياتي وتقديري
اخوك
===========
الجـــــــــــــــهــــــــني

[الحازم]

اخوي الجهني

عساك سالم ان شاء الله

ويشرفني اللعب معك

استلم لاهنت


البقاء دايمٍ للي يجيب السماني = يوم هل القمر يازين حزة هلوله
الحقيقه تغيّر فالزمن والمكاني = مثل وقت تغيّر واختلف في فصوله


اخوك / الحازم

[الجهني]

هلا اخوي الحازم

عساك سالم وغانم ولي الشرف بمشاركتك
واستلم
===

ويش رايك بفارس جابها لك ثماني = كيف جات الثمان وكيف جاب الحفوله
كل الامه من اللي صارفيها تعاني = نكبة(ن) صبها الله يارجال الحموله

[الحازم]

خلوووووووووووووها


الخساره خساره واحد أو صار ثاني = بس تشره على اللي حطها في رجوله
كل الأمه بتحلم حلم دون الأماني = تنتظر يوم باكر يمكن بيسمحوله


اخوك / الحازم

[الجهني]

هلا اخوي الحازم اكرر لك التحية واشكرك على التجاوب السريع


الصحافة لها ياالحازمي فيها شاني = يوم بعض الجرايد بالنصب طبلوا له
واللعيبة تراهم صار فيهم لعاني = يوم شفنا بعضهم قام يجهز رحوله



تقبل تحياتي وتقديري
============
اخوك الجهنــــــــــــــــي

[الحازم]

تسلم اخوي

واستلم لاهنت


الشجيع المحرر والمراسل جباني = ماكتب حرف واحد لين يلقى قبوله
من فعل له جريمه صار بالوقت جاني = لو يحاول يكفّر من خطايا فعوله


اخوك / الحازم

[الجهني]

تسلم ياالغالي على هذا التحليل

واستلم
===

قالوا فيه الزعامه بين قاصي وداني = كل واحد فرح به واصبحوا يهتفوا له
وبعد جات النتيجه شفنا فيها المهاني = اصبحت مهزله وخاب من صفقواله


تقبل تحياتي وتقديري
===========
اخوك الجهنــــــــــــي

[الحازم]

اخوي الجهني

تسلم على هذه الأبيات

ولكن


الهوى لارماك فبحر عشقه رماني = والمطر لاهطل في البر سالت سيوله
يوم حظك حداك ويوم حظي حداني = مثل قوس الربابه من يعدّل ميوله


اخوك / الحازم

[الجهني]

استلم اخي الحازم
==========

كلبونا نحبه بين سر وعلاني = مانريد الخساره يوم صرف العموله
ودنا نكرر اللي جابها في عماني = يوم فازوا وطاروا مثل ناس(ن) خبوله



تقبل تحياتي وتقديري
===========
اخوك الجهنـــــــــــــي

[الحازم]

اخوي الجهني

تفضل لاهنت


المحبه محبه ياسهيل اليماني = بس من غاب صوته خايف يغيب زوله
الرحى تستدير بعطفها والحناني = ومن وقع في نحرها ماتفيده ذلوله


اخوك / الحازم

[ضمن السناني]

أخوي (الجهني)

أخوي(الحازم)

قوة

أسلوب سلس

براعة

واصلا على القوة أيها الأحبة
تحياتي لكما فقد أمتعتمونا

لكن الله الله ياجهني بكرة موعد العتبان-وان وأخوك الحازم بصفك بس

تكفى بيض وجهينا وأنا وأثق من قدراتك ان شاء الله

[الجهني]

هلا اخوي ضمن

اشكرك على المداخلة وبالنسبة للموضوع اللي تكلمت فيه لي عليه تعقيب سوف تراه قريباً ان شاء الله في نفس المشاركة

استلم اخوي الحازم عليك بياض الوجه
====================

المحبه بلاوي يوم حبه بلاني = صرت واحد من العشاق يحب البطوله
كانها بالمحبة ياعميلي تراني = اعشقه واعشق اللي كل من كان حوله



تقبل تحياتي أنت واخي ضمن
===============
اخوكما الجهني

[الحازم]

اخوي ضمن

شكراً على مرورك الكريم وابداء رأيك

والله يعطيك العافيه

اخوي الجهني

استلم لاهنت


احسب اللي كسبته وانظر العمر فاني = والتحدّي تراه بجولةٍ بعد جوله
خلنا ياجهني نسهر مع الأصفهاني = يمكن يفيدنا لاجات ساعة وصوله


اخوك / الحازم

[الجهني]

اخوي الحازم بيض الله وجهك على ماقدمت
واستلم ياالسنافي
==========


التحدي ترى بالفعل ماهو لساني = والمعاني تراها بين جوله وصوله
ليت نشرك معانا اخونا ضمن السناني = كان في وسط صدره شئ وده يقوله


ماقصرت ياالطيب وبيض الله وجهك ودمت لهذا المنتدى

تقبل تحياتي وتقديري
===========
اخوك الجهني

[الحازم]

اخوي الجهني

تسلم على هذا الرد الجميل

وتفضل الله لايهينك


التعقل تراه اليوم ضد الجناني = بنت الأزور توفّت باقي الإسم خوله
السناني ترى حافظ لسبع المثاني = قبل مايدخل يصلّي ويذكر رسوله


وتقبل تحياتي وتقديري

اخوك / الحازم

[الجهني]

اخوي الحازم شكراً لك من الأعماق على طيب المشاركة وقد استفدت منك لك تقديري واحترامي وارجو منك السموحة ان بدر مني خطأ غير مقصود ودمت للمنتدى ذخراً وسنداً
والسلام عليكم ورحمة الله وبركاته



يوم جتنا نصيحة جابها المودماني = استمعنا النصيحة واستفدنا حلوله
والسناني نعرفه مير فيه التواني = ليته ايطب وسط السوق وانا اسمحوا له



تقبل تحياتي وتقديري
============
اخوك الجهني

[الحازم]

اخوي الجهني

يعطيك الله الف عافيه

على هذه المحاوره الرائعه

ونتمنى الإلتقاء قريباً ان شاء الله

وتقبل فائق احترامي وتقديري

اخوك / الحازم