الي الاخوان نرجوا التكمله

[غريب الشرقيه]

؟
؟
؟
؟
؟
؟
؟
؟

الي الاخوان نرجوا التكمله
أمن اللهد والعيون تشوف=كثر البكاء جرح اجفوني

[المعلم]

الأخ غريب
السلام عليكم

عيّت معي لاتصف ظروف.............. مع حظي العاثر اشقوني

من اللهد والعيون تشوف ............... كثر البكا جرح جفوني

[أبو زارع]

الاخ الشاعر غريب الشرق هذه تكمله اتمنى ان تنال اعجابك


من اللهد والعيون تشوف = كثر البكاء جرح اجفوني
ما كان فى ما مضى مألوف = وهذا الذي زود غبوني

[الزعيم2000]

العم ابو معاذ
السلام عليكم ورحمة الله وبركاته

احنا اسفين على المجاراه ولكن احببنا ان نشاركك فنتعلم منك

ولك كل الشكر والتقدير

من اللهد والعيون تشوف=كثر البكاء جرح جفوني
لا الطب عن حالتي مألوف=ولا اللي سبقوني أفادوني
بندرجباره
(((معليش كسرت قاعدة اسأل مجرب ولاتسأل طبيب)))

[المعذب]

؟
؟
؟
؟
؟
؟
؟
؟

الي الاخوان نرجوا التكمله
أمن اللهد والعيون تشوف=كثر البكاء جرح اجفوني
ذكرتني هذين الغصنين بكسرة للشاعر إبراهيم المحياوي يقول فيها

ماترحم الدمع وعيوني=ماترق في حالتي وتروف
كثر البكا جرح جفوني=وإذا مكذب تعال وشوف

[غريب الشرقيه]

عيّت معي لاتصف ظروف= مع حظي العاثر اشقوني
من اللهد والعيون تشوف = كثر البكا جرح جفوني
صح لسانك يالمعلم
من اللهد والعيون تشـوف=كثر البكاء جرح اجفونـي
ما كان فى ما مضى مألوف=وهذا الـذي زود غبونـي
صح لسانك يابو زارع
من اللهد والعيون تشوف=كثر البكاء جرح جفونـي
لا الطب عن حالتي مألوف=ولا اللي سبقوني أفادوني
صح لسانك يابندر جباره

الاخ المعذب صح لسانك ولسان ا لشاعر إبراهيم المحياوي

[اهل الركايب]

استلم ياغريب الضاهر انك بتغير في كلامك وتسير هواووي؟؟؟؟؟؟؟؟؟


من اللهد والعيـون تشـوف=كثر البكـا جـرح اجفونـى
عن شي خارج عن الموصوف=خوفي يأثـر علـى افنونـي

[اخو وضحى]

تكمله على قدالحال الجود من الموجود

من اللهد والعيون تشوف=كثر البكاء جرح اجفوني
لا شك بعض التعب مخلوف = وانا اللهد دبل عيوني[

[غريب الشرقيه]

سلمت يا اخو وضحي وشكرا لمرورك وصح لسانك

[الريفي]

؟
؟
؟
؟
؟
؟
؟
؟

الي الاخوان نرجوا التكمله
أمن اللهد والعيون تشوف=كثر البكاء جرح اجفوني

اخي الغالي ابومعاذ تقبل من اخوك هذه التكملة المتواضعة

أمن اللهد والعيون تشوف=كثر البكاء جرح اجفوني
صار العنا والعذاب يطوف = وحتى الكرى خاصم عيوني

[غريب الشرقيه]

اخي الغالي ابومعاذ تقبل من اخوك هذه التكملة المتواضعة

أمن اللهد والعيون تشوف=كثر البكاء جرح اجفوني
صار العنا والعذاب يطوف = وحتى الكرى خاصم عيوني


اخوي ابو اروي صح لسانك وسلمت وشكر على مرورك

[غريب الشرقيه]

استلم ياغريب الضاهر انك بتغير في كلامك وتسير هواووي؟؟؟؟؟؟؟؟؟


من اللهد والعيـون تشـوف=كثر البكـا جـرح اجفونـى
عن شي خارج عن الموصوف=خوفي يأثـر علـى افنونـي



ابن عمي اهل الركايب صح لسانك وشكرا لمرورك

[غريب الشرقيه]

استلم ياغريب الضاهر انك بتغير في كلامك وتسير هواووي؟؟؟؟؟؟؟؟؟


من اللهد والعيـون تشـوف=كثر البكـا جـرح اجفونـى
عن شي خارج عن الموصوف=خوفي يأثـر علـى افنونـي




حياك ياهل الركايب وين انا وين الهواء من اول هواء عذري واليوم هواء متلوث بالبولوتوثي الله يكفينا شر الفتن ماضهر منها ومابطن واستلم

راح الهواء مع هله بصنوف=ابكي مضنه ومضنوني
على التحشم ماعاد نشوف=وبقل الحياء سرت مغبوني

[اهل الركايب]

برضك ياغريب حنا نبي التطور والتقدم وانت تبي العهود القديمه انت وشبلاك منخبل بترجعنا على التلفون ابو هندل الحين حتي راعي الغنم معه جوال والولد والبنت كلا بجواله قال ايه لولوث اقول متي الله يفكنا من الباقين مثلك حتي نشوف الدسكو وتسير خليطي ورفصات واستلم





راح الزمان الذي بنكوف=يوم التلفون هندوني
وحنا مع العلم نمشي وقوف=جوال يكشفلنا ازيوني

[غريب الشرقيه]

هذا بلا ابوك ياعقاب
انا منخبل علا شان اتذكر جيل الحشمه
انا منخبل علا شان اكره ام البناطيل واحب صاحبت الكرته
انا منخبل علا شان اتذكر جيل العفه
انا منخبل علا شان اتذكر جيل الشهامه
والله مدري منهو المنخبل يالدايش لكن استلم



الله ياما علينا كنوف=من الفتن سرت مجنوني
تفتنوا بالعلوم جلوف=ومن القهر سرت محتوني

[اهل الركايب]

ايوالله منخبل ياغريب حنا بعصر الفضاء يامسكين وصور تلتقط من بعد ورسايل هز ووز وانت عند النخل الميت تذكره هو واهله ان كان ماهو معجبك الوضع الحقهم وقبل ماتلحقهم استلم



كل البشر ياحبيبي ولوف=جنسين ماتعرف الدوني
بسوق المحبه نشوف الشوف=غزلان باللبس شيفوني

[غريب الشرقيه]

اولا مبروك ياهل الركايب على الجوهره عسى اخوننا المشرفين يدخلون ويعقبون على مشاركتنا ان كان تعجبهم
وبعدين ابطلب منهم طلب عساه ينفذ وهو الغاء غريب الشرق ووضع الجواهر لغريب الشرقيه لئن كثر الاسماء ما احبها والسلام ختام
اما الرد عليك فعزالله انك جبت الغايبه من يوم اهلنا أهل العز والشرف راحوا ان الواحد يقول الله يلحقنا بهم غير مفتونين
الفضاء عرفناه ام الشيفون ماعرفناه يالدمران
لكن الله يكفينا شر الفتن واستلم


ياجيل روح عليه حسوف=جعله بجنات مكنوني
وياجيل بقعاء منه معزوف=ما ابغاه لوكان مزيوني

[الرا مــــي]

غريب يابناخي أنا معك
ما نبي من القرصان اللي يحطون عليها
لحمه ويسمونها بيتزا
خلي راعي الركايب والتفتلي

يبغى له اليوم سبعه كفوف=ان كنت غلطان لوموني
غريب يذبح له الخروف=ويقول ضيعت ماعوني

[غريب الشرقيه]

يالرامي حياك الله وبيك وانت صادق هذا جابلنا اشياء مانعرفه البيتزه بدل قرص الجمر
ومره جاني وسويت له دله وبراد يقول ماعندكم كفشتينوا قلت هذا الدواء انقطق مع الدوله التركيه اسمع الشياب يذكرونه قال يامتاخر الكبشتينوا قهوه متطوره يسويه لك جهاز مع رجل الي لكن استلم يالرامي


يالرامي ارمي على المشعوف=من قبل لاتسير غبنوني
والله لولا الحكم والسيف=لعسفلك البعد والدوني

[اهل الركايب]

انا مشعوف ياغريب انت وبناخيك هذا والله لغير انسفلكم من المحزم وتحت وش عرف الجلوف بالقهوه الكبتشينوا او البتزاء هت تطوروا يابدوا
قال ايه قرص جمر يدفنون النعمه في التراب ويقولون قرص جمر ويدفنون اللحم في براميل مصديه ويقولون مندي لحم ياعالم علموهم ان الكربون وان بعض الغازات مضره بالصحه لكن استلم انت وبناخيك





هذي بلاوي تهف بهف=ومن هفهم سرت مغبوني
ويارب اتفكنا من صف=يبغي التاخر ومدفوني

[الرا مــــي]

اسمع ياغريب يابناخي الماخوذ أظنه
ماشاف معنا اليوم راس غليص ولأشاف
الشيخ مناع اللي ما يهاب سود الليالي
ولأ شاف عيون حمده ولأشاف المقمع
اللي على كتفها لأكن أستلم


كان تنشدوني عن أهل العرف=تراهم اليوم وصوني
من ياكل القرص ما ينحف=وما يقول عاقتني سنوني

[اهل الركايب]

اي خليص ومناع وفزاع وقرباع وحمده وفريجه هذي اسماء ياغبران ياخي سموا لوي سمير فادي وسموا بشري نحوي باسكال فيروز لكن استلم




ياعرف روح عساك تذف=مابين بقعاء وشمعوني
والكيك الين عساك بشلف=ينشب بمعده وقصبوني

[الرا مــــي]

أبومعاد أقول هذا الماخوذ ما ينفع فيه شي
مير خليني أنشر غسيله وحلالاه يالعبود
خابرعام الأووووول يوم أخذناه معنا للبر
ولقيله خرف ويقول هذا حنش وإنصرع علينا
وحطينا بخشامه حتيته وبصل
ويقول بدي حبوب دوار ونسقيه الماء من القربه
ويقول أول مره أشوف ثلاجه تعمل على الأقمار الصناعيه
ياشيخ مالة عليك ماتعرف القربه والصميل أجل كيف لو أنك
شفت الربابه الي مع العازف الكبير أبو مهلي وش تسوي

خابريوم إنك لقيت الخرف=وتحسبه داب ياعيوني
رفعت كنك مركب سلف=وتصيح ياناس فكوني

[اهل الركايب]

اي خرف واي برف يامخرف انت وياه ياغبران انت وياه انا عندي اجهزه اذا رحت في البر مبرمجه على السوام
اذاجات عقرب يدق جرس واذا جات حيه يدق جرس اخر
واذا جاء ذيب يعوي الجهاز كذيب ياغبران
وبالنسبه لثلاجاتكم القديمه القربه والصميل الله اغنانا عنها ياغبران وبالنسبه للربابه وعازفه الله عاضنا خير وتعلمنا ونقراء قران وحديث وقصص وتاريخ مالنا بربابة البدوا المصنقين اللي مثلك انت وابو مهلي واستلم



جانا المساء والبراد يزف=نبغالنا طعس عليوني
نبغاء نشوف الذي ينكف=خايف بلا سيف جبنوني