أبوعرب
03-02-2007, 01:17 AM
فقدت سيف من سيوف القبيلة
للشاعر حمود بن زايد العتيبي
هذه القصيدة مرثية في الشيخ/نايف بن عبدالمحسن بن حميد أمير الفوج الرابع بمحافظة ينبع رحمه الله وأسكنه فسيح جناته
يامل قلب كل ما جرهد الليل=قام يتوقد مثل حام المليله
من كثرة الاحزان ذاق البهاذيل=واهني من حلو الكرى يستويله
ومع السهر وابل عيوني هماليل=مالي سوا رب العباد اشتكيله
ما ابكي على الدنيا ولا خوفة الميل= فقدت سيف من سيوف القبيله
فقدت نايف راعي البن والهيل=والمنسف اللى جودنا ينتميله
فقدت ليث الجود والجاه حلحيل=حلحيل شيخ يحلحل المستحيله
ارسى من الاوتاد واعذب من النيل=للعاني اعذب من رشاش المخيله
في ساعة الموقف دليله دواليل=تنسب له الشيخة وعقله دليله
اقفى سليلة متعب الجيش والخيل=سليلة يا طيبها من سليله
لا قالوا ابن حميد يرجح له الكيل=من روس ربعي محتمين الدبيله
رجال ترجع له عقول الرياجيل=الفعل صارم والنبا سلسبيله
كم قاد فوج اهل الكرم ذابح الحيل=وكم فك مرهون الزمن من عميله
طلق الحجاج مسهل الصعب تسهيل=الطيب فرضه والتواضع نفيله
محشوم عن مسرح هل القال والقيل=حر مكانه فوق راس الطويله
اقفى عن الدنيا زبون المعاميل=الضيف نادر والمضيف كفيله
ضيف الكريم اللى هزم زمرة الفيل=ما خاب من عند الكرب يلتجيله
ويقطعك يا دنيا الشقا والغرابيل=كم فرقت بين الخليل وخليله
صفو السعادة يقتفيها عراقيل=ونكباتها ما بين يوم وليله
ويا الله يا من تدفع الجيل بالجيل=تجعل مقره فالجنان الظليله
واجعل عوضنا فالرجال المشاكيل=اخوان نايف طيبين الحصيله
وعيال نايف نايفين المناهيل=اهل المكارم والدروب الجميله
وصلاة ربي عد ما ينبت السيل=على الرسول المصطفى والفضيله
للشاعر حمود بن زايد العتيبي
هذه القصيدة مرثية في الشيخ/نايف بن عبدالمحسن بن حميد أمير الفوج الرابع بمحافظة ينبع رحمه الله وأسكنه فسيح جناته
يامل قلب كل ما جرهد الليل=قام يتوقد مثل حام المليله
من كثرة الاحزان ذاق البهاذيل=واهني من حلو الكرى يستويله
ومع السهر وابل عيوني هماليل=مالي سوا رب العباد اشتكيله
ما ابكي على الدنيا ولا خوفة الميل= فقدت سيف من سيوف القبيله
فقدت نايف راعي البن والهيل=والمنسف اللى جودنا ينتميله
فقدت ليث الجود والجاه حلحيل=حلحيل شيخ يحلحل المستحيله
ارسى من الاوتاد واعذب من النيل=للعاني اعذب من رشاش المخيله
في ساعة الموقف دليله دواليل=تنسب له الشيخة وعقله دليله
اقفى سليلة متعب الجيش والخيل=سليلة يا طيبها من سليله
لا قالوا ابن حميد يرجح له الكيل=من روس ربعي محتمين الدبيله
رجال ترجع له عقول الرياجيل=الفعل صارم والنبا سلسبيله
كم قاد فوج اهل الكرم ذابح الحيل=وكم فك مرهون الزمن من عميله
طلق الحجاج مسهل الصعب تسهيل=الطيب فرضه والتواضع نفيله
محشوم عن مسرح هل القال والقيل=حر مكانه فوق راس الطويله
اقفى عن الدنيا زبون المعاميل=الضيف نادر والمضيف كفيله
ضيف الكريم اللى هزم زمرة الفيل=ما خاب من عند الكرب يلتجيله
ويقطعك يا دنيا الشقا والغرابيل=كم فرقت بين الخليل وخليله
صفو السعادة يقتفيها عراقيل=ونكباتها ما بين يوم وليله
ويا الله يا من تدفع الجيل بالجيل=تجعل مقره فالجنان الظليله
واجعل عوضنا فالرجال المشاكيل=اخوان نايف طيبين الحصيله
وعيال نايف نايفين المناهيل=اهل المكارم والدروب الجميله
وصلاة ربي عد ما ينبت السيل=على الرسول المصطفى والفضيله