خلاصة غباوي (الخميس والاثنين ) للناخوذة وهي بالجوائز

[أبو سفيان]

غبوة الخميس 2 / رمضان 1423هـ
****
أبغى انشد الفهام واهل الغبـاوي
جمله وفيهم ياعرب صيت وافعال
الله ذكرهم مـن كثيـر البلاوي
وِِسِِِِِِِِِِِِِِميهم عند الدول إسم وارجال
******
وهذه الغبوة إلى الآن مفتوحة ولم
يكسرها أحد ونزلت عليها أكثر
من 25 ( رمعة )
***

إعلان
يسـر إدارة المنـتـدى
أن تعلـن بأنهـا سـوف
تقدم جائـزه رمزية
للحل الصحيح وهي عباره
عن بطاقة إتصال إنترنت
( أثــــيـــــر ) لمـدة شهـر مفـتـوح

[أبو سفيان]

غبوة يوم الاثنين 6/ رمضان
***
عذراء لها شان يامسلم
تحضر قبل لايفوت العود
وإخواتها من عددهم كم
والله ذكرهم ومنهم فود

***



الحــل :
هلا اخوي ( الحازم ) ألف مبروك بيض الله وجهك وصح لسانك نعم الحل ( زكاة الفطر) تحضر قبل لايفوت العود وهو رمضان حضر الجائزه يابو سفيان لاخونا الحازم ترى فدغ عين الغبوة
تحياتي / اخوكم محمد جميل الريفي
******

غبوة يوم الخميس 9/ رمضان
***
اسالكم والسؤال مهم
عن عود دايم يسر العين
في كتابه الله يامسلم
ومحصور في وسط شين وشين
** *


الحــل :
هلا اخوي عبدالعزيز كل عام وانت بخير بيض الله وجهك وصح لسانك نعم الحل هو : اللبن ( مابين فرث ودم )
حضر الجائزه يابو سفيان لاخونا عبد العزيز ترى حلها ماشاء الله تبارك الله من اول رمعه يستاهل
اخوكم / محمد جميل الريفي
***

[أبو ياسر]

غبوة يوم الاثنين 13/9


ويش عِد ياللي تعشقون الغبـاوي=لاهو من ارض الله ولا من سماها
العد يجري من عديـد المـراوي =ناساً بغو امـراً وناسـاً سقاهـا
وإن كان تنشد يالرفيـق النـداوي=ماهو من الجنه ولا مـن حماهـا


والحل هو ( للأديب )

أقول الحل الأخير المؤكد
هو ( الماء الذي خرج من
أصابع النبي صلى الله عليه
وسلم في ذهابه الى غزوة
تبوك وهو من معجزاته )




الجائزه كوبون شراء بمبلغ ( 200 ) من محلات شيكو

[أبو ياسر]

غبوة يوم الخميس 15 / 9 / 1423هـ



بنات في كتابنـا ذِكـروا=الاسم واحد ومختلفيـن
ثـلاث بالعـد ماكِثـروا= الزين فيهن وحتى الشين



والحل ( هذا ماكتب الناخوذه )

وعليكم السلام ورحمة الله وبركاته
هلا اخوي عبدالعزيز بيض الله وجهك وصح السانك نعم الحل الانفس الثلاثه النفس المطمئنه والنفس اللوامه والنفس الاماره بالسوء
حضر الجائزه يابو سفيان لاخونا عبدالعزيز صادها الذيب انا اشهدوالجائزه ( بطاقة إتصال إنترنت لمدة شهر )

[أبو ياسر]

غبوة يوم الاثنين 20/9 للناخوذه وعليها جائزه من المنتدى


اسالكم ياهل العقول الفِطينه = عن الغلام اللي ستر له جسم خود
والخود تسكن وسط اماً رهينه = ورب الجلاله خصها الام بالفود



تحياتي اخوكم/ محمد جميل الريفي
ملحوظه// الخود تطلق على المؤنت


الجائزه عباره عن بطاقة إتصال إنترنت لمدة شهر

وقد فاز بها ( الجهني )

هلا وغلا اخوي ابو مقبل بيض الله وجهك وصح السانك نعم الحل القطمير الغشاء الذي يلف النواه
قال الله تعالى ( يولج الليل في النهار ويولج النهار في الليل وسخر الشمس والقمر كل يجري لاجل مسمى ذلكم الله ربكم له الملك والذين تدعون من دونه مايملكون من قطمير ) صدق الله العظيم

حضر الجائزه يابو سفيان لاخونا الذيب ابو مقبل صادها

تحياتي اخوكم محمد جميل الريفي

[أبو ياسر]

غبوة الخميس الموافق 23/9/1423هـ

لجل الهدف ينضبط رجال = بِثنين مامتلهـم فالكـون
هذاك مِقفي وذا في إقبال = والله ذكرهم وفيهم عون


والفائز هو ( العضو ) عزام

حيث يقول الناخوذه (هلا اخوي عزام الغبوه انكسر
منها جناح وبذلك تكون الغبوه ماتت فالف مبروك
وحضر الجائزه يابو سفيان لاخونا عزام
اخونا عزام قال رمضان هو الرجال
وهذا صحيح والهدف هو الصوم والاثنين هما
الخيط الابيض والخيط الاسود )

فاز عزام ببطاقة إتصال لمدة شهر
ويجب عليه الإتصال
بالأستاذ المعاصر لإستلام الجائزه0

[إدارة المجالس]

غبوة الإثنين الموافق 27/9/1423هـ
يقول الناخوذه : ـ


ياويـش رجـال تحتاجـه = لاصار عنك السهو في فراق
حكمه لجل بنـت منهاجـه = انـا وإنـت لهـا نشتـاق


والفائز هو الأخ ( الجهني )

حرام عليك يابو مقبل وينك من اول نعم الحل التيمم لاصار عنك السهو في فراق // اي الماء
بيض الله وجهك وصح السانك نعم الحل التيمم

وحضر الجائزه يابو سفيان لاخونا ابومقبل صادها الذيب وهذه اخر غبوه بالنسبه لغباوي الخميس والاثنين من كل اسبوع في رمضان والتي عليها جوائز وكل عام وانتم بخير

تحياتي اخوكم محمد جميل الريفي