( كسرة )بيني وبين أبو أسامة

[القالط]

الاخ العزيز ابو اسامه عبدالرحمن المغامسي جرى هذا اللحن بيني وبينه بمناسبة تقديم ابنه فى العسكريه
وهى اقرب للفكاهه منها الى اللحن الجدي

ابو اسامه
كل يوم انا انتظر جوال = من شي ياخوي مشغلني
لليوام وانا على ذا الحال = ياليت تقدر تطمني
--------
ابو نواف
كلمت لكن مافيه ارسال = ابقى ايجابه تعلمني
الظاهر ان الخوي رحّال = عساه يرجع يكلمني
--------
ابو اسامه
ياليت ترسل لهم مرسال = من شأننا يروح متعني
وان كان ماحصل الرجال = انته تجملت واعذرني
--------
ابو نواف
هاجوس فى خاطرى لازال = واحساس لازال مقلقني
لجليش ماردلي فالحال = باشوف مرسول يسعفني
--------
ابو اسامه
ان كان رده علينا طال = وبالكشف ماجاء اسم ابني
هاذي مقادير ماتنطال = ومكتوب ماله ابد عني
--------
ابو نواف
ابشرك كلم علي وقال = هذي بشاره لكم مني
قبلوا سعد طيب الافعال = فالجيش يدرس علم فني

[البندر]

اول شي اهني ابو اسامه لقبول
ابنه سعد طيب الافعال كم ذكر شاعرنا
ابو نواف لخدمة الوطن الغالي
وثانيا اشكر ابو نواف لمواقفه المشرفه
برغم انه وسيط فى المساله ولكن الدال عالخير
كفاعله
وثالثا اشكركما معا لحلاوة اللحن وسلاسته
دمتما بكل الود اخيكم البندر

[محمد بدين]

عجيب العجب
حلو يا حلوين
لحن جميل وكلام اعذب
هذي المواقف والشهامة
مبروك لكما معا

[أبو زارع]

نبارك لأبو اسامه قبول ابنه ونطلب من لله له التوفيق . ودائما وافى مع اهل الوفاء يابونواف لحن رائع جسد لنا الحاله من التقديم وحتى القبول وبحول الله تعالى يعاد مثل هذا اللحن الجميل عند التخرج وابو اسامه وابو نواف بأتم الصحه والعافيه

كل يوم وانا انتظر جوال
وهذي بشاره لكم مني

[ناصر عواد]

حرف راقي جدا
كما ابارك للجميع

لكم منى كل الود





-

[خالد القليطي]

الغالي
أبونواف
مشاركة رائعة ولحن جميل مع الأستاذ عبدالرحمن المغامسي وهو شاعر كبير ومعروف
وله العديد من الروائع كبير ياأبونواف وعاداتك راعي مواقف وسباق للخير ونبارك
لابوإسامة بهذه المناسبة

مع خالص تحياتي

[القالط]

اخواني الاعزاء
البندر
المحب
ابوزارع
ناصر عواد
خالد القليطي
اشكركم جزيل الشكر على مروركم
وتعليقاتكم الجميله لقد تشرفت
صفحتى بتواجدكم
ونور صباحي بأهازيجكم
لكم الود كل الود
ودمتم بخير