المساعد الشخصي الرقمي

مشاهدة النسخة كاملة : ياليت ان الزمن يرجع



المنظار
21-01-2007, 08:07 PM
اشهر قصيده شعريه فالوقت الحالي من الممكن صياغتها في كسره
دعوه للشعراء

ياليت ان الزمن يرجع = وراء ولا الليالي تدور
ويرجع وقتنا الأول = وننعم في بساطتنا
زمان اول احس انه = زمانٍ فيه صدق شعور
نحب ونخلص النيه = وتجمعنا محبتنا
زمن مافيه لاغيبه = ولاحتى نفاق وزور
ياليته بس لويرجع = ونسترجع طفولتنا
صغار قلوبنا بيضاء = نعيش بعالمٍ محصور
ولانعرف ابد اغراب = ماغير عيال حارتنا
صحيح صغار في التفكير =و لكن ماعلينا قصور
نخطط نكسر اللعبه = وتسعدنا شقاوتنا
نروح المدرسه بدري = ونضحك داخل الطابور
نحاول نزعج العالم = في روحتنا وجيتنا
وعشان نأخر الحصه = نخبي علبة الطبشور
نشاغب بس في الآخر = تميزنا برائتنا
نحب الضحك والهيصه = نحب النط فوق السور
نفرفش ليه مانفرفش = مادام الضحك عادتنا
ولكن دارت الأيام = وبان الخافي المستور
وصار الهم متعلي = على قمة سعادتنا
كبرنا وصارت الدنيا = تصف احزاننا بالدور
وتهدينا الألم والهم =غصب عن عين رغبتنا
تعبنا من بلاوينا = احد ضايق واحد مقهور
وكلٍ غارق بهمه = وفي الآخر تشتتنا
وانا ما اقول غير الا = ياليت ان الزمان يدور
ويرجع للورى فتره = نعدل وضع عيشتنا

أبو زارع
21-01-2007, 08:20 PM
الله يا استاذ المنظار على الاختيار والله قصيده مؤثره جدا عشت معها لحظات باحساس غريب . الله يرحم والديك شيل العين الا انت حاطها شفتها راح الاحساس الجميل ولا حطها فوق لا تفجأ احد فيها . وشكرا على اهداء القصيده الرائعه لقسم الكسره

أسد ينبع
21-01-2007, 08:25 PM
http://abyat.com/pictures/poet_105.jpg
شكرا المنظار
القصيدة للشاعر السعودي ((( فيصل اليامي
http://www.abyat.com/poem.php?uid=105&id=4336

أبن الجنوب
21-01-2007, 11:06 PM
يا سلام كلام جميل من الشاعر فيصل اليامي وللمعلومية تغنى بها المطرب علي بن محمد ,,,,,