من واقع الحال هذي قطوف

[المعلم]

ياأهل ينبع عسى ماباس=شاطي عليه الخيام صفوف
بيوتنا خاليه من الناس=ماكان هذا لنا مألوف
الباب مقفول بالترباس=من بعد كانوا عليه وقوف
بعض العرب صحبته نوماس= والبعض فالنفس عنه عزوف
أحْدالبيته يجي جساس=حتى لجيرانه ماهو معروف
والبعض للطيبه غرّاس=راعي شهامه بها موصوف
يلزم لكل المباني ساس=تحسب حسابك لكل ظروف
هذا بظني أمر حساس=أمرا على سابقه معطوف
على الشواطي خليط أجناس=هذا مغطى وذا مكشوف
فالبعض تبلّد الإحساس=وذياب متغطيه بالصوف
على الكرامه برجله داس=وقال الحيا فالسجن موقوف
لايبلغ الحال حد الياس=ونصبح على هايفات جروف
أخشى من الأمر لاينحاس=هذي رساله بلا مظروف
قبل نتجرّع مرار الكاس=أو تلحق النفس منها حسوف
بنمنع الفاس تصل الراس=وشمس ينبع يجيها كسوف
إنذار دقّت به الأجراس=بالحرف ماهو بضرب سيوف
هذي حقايق ماهي من واس=وان كان عنها النظر مصروف
واهل الفضيله لها حُراس=مايستوي مبصر ومكفوف
مايغشى راع الضمير إفلاس=مهما حياته غشاها صروف
الأرض فيها وطى وطعاس=من واقع الحال هذي قطوف