ناصر المحياوي
31-12-2006, 01:33 AM
الله يبارك بالرجال اهل الوجيه المفلحه=اللي لاقال القول واحدهم تجي فيه ثمره
ولابارك الله في رجل من يستمع له يجرحه=رجال ولسانه غثيث ولايمل الثرثره
والله يبارك في رجل الصدر حكيه يشرحه=حسن المقال ولابقيت الطيب هذا مصدره
ولابارك الله في رجل سلتوح راعي سلتحه=احذر منه بالحيل واصحى لايغشك مظهره
والله يبارك في رجل فارس وخصمه يذبحه=والذئب صاحي له وعارف مطلعه من مندره
ولابارك الله في رجل ضاع الحلال بمسرحه=وضوى بثمان وهو مشى من عند ربعه بعشره
والله يبارك في رجل سره محال يبيحه=ومن شان حفظ السر لو يقطع ذراعه ماذكره
ولابارك الله في رجل سره لسانه يفضحه=فضح بسره لجل ماله هم غير القرقره
والله يبارك في رجل فعله وطيبه يمدحه=وكلا يقول ونعم يوم ان الاوادم تذكره
ولا بارك الله في رجل حتى الثنا مايربحه=ولو تسال الاجواد كلا قال لك يامقشره
والله يبارك في رجل فرحة صديقه تفرحه=ون شاف له عيب على يحاول يستره
ولابارك في رجل له قلب حقده ماابرحه=بريد مستعجل ولو يسمع طرف علم انشره
والله يبارك في رجل لاشاف ضيفه ينطحه=ويقدم الماجوب لضيوفه ولايوم ذخره
ولابارك الله في رجل من حين ضيفه يلمحه=يدس راسه بالعجل ويقول ردي يامره
والله يبارك في رجل خطاء خويه يدمحه=تقول ماشافه مع انه صار قدام انظره
ولابارك الله في رجل قصده يحقق مصلحه=ومن شانها لاتامنه يطعن خويه بظهره
واقول للي يستمع قولي ليا جيت انصحه=اختار لك صاحب شهم والنذل لازم تحذره
واختامها ياسامع قولي مايحتاج اشرحه=ترى الكلام بزبدته ماهو بقله واكثره
ولابارك الله في رجل من يستمع له يجرحه=رجال ولسانه غثيث ولايمل الثرثره
والله يبارك في رجل الصدر حكيه يشرحه=حسن المقال ولابقيت الطيب هذا مصدره
ولابارك الله في رجل سلتوح راعي سلتحه=احذر منه بالحيل واصحى لايغشك مظهره
والله يبارك في رجل فارس وخصمه يذبحه=والذئب صاحي له وعارف مطلعه من مندره
ولابارك الله في رجل ضاع الحلال بمسرحه=وضوى بثمان وهو مشى من عند ربعه بعشره
والله يبارك في رجل سره محال يبيحه=ومن شان حفظ السر لو يقطع ذراعه ماذكره
ولابارك الله في رجل سره لسانه يفضحه=فضح بسره لجل ماله هم غير القرقره
والله يبارك في رجل فعله وطيبه يمدحه=وكلا يقول ونعم يوم ان الاوادم تذكره
ولا بارك الله في رجل حتى الثنا مايربحه=ولو تسال الاجواد كلا قال لك يامقشره
والله يبارك في رجل فرحة صديقه تفرحه=ون شاف له عيب على يحاول يستره
ولابارك في رجل له قلب حقده ماابرحه=بريد مستعجل ولو يسمع طرف علم انشره
والله يبارك في رجل لاشاف ضيفه ينطحه=ويقدم الماجوب لضيوفه ولايوم ذخره
ولابارك الله في رجل من حين ضيفه يلمحه=يدس راسه بالعجل ويقول ردي يامره
والله يبارك في رجل خطاء خويه يدمحه=تقول ماشافه مع انه صار قدام انظره
ولابارك الله في رجل قصده يحقق مصلحه=ومن شانها لاتامنه يطعن خويه بظهره
واقول للي يستمع قولي ليا جيت انصحه=اختار لك صاحب شهم والنذل لازم تحذره
واختامها ياسامع قولي مايحتاج اشرحه=ترى الكلام بزبدته ماهو بقله واكثره