قصيده ترحيبيه

[الحازم]

سلام الله سلام الله على أهل المنتدى والضيف = سلامٍ يشمل المشرف مع العضو ومع الزاير
أظن المنتدى معروف مايحتاج له تعريف = مباديه الصراحه والكلام الزين به صاير
مواضيعه علوم شامله ماصابها التحريف = وكل يعشقه بأرض وسماء مع طيرها الطاير
على الله يحفظ اللي أسسه واحسن به التصريف = وعسى ربي يعينه دون فكره ماغدا حاير
ختام القول بأسأل ربنا وقت الشتاء والصيف = يوفّق من يطيعه لو نعرف إن الزمن داير


مع تحيات

اخوكم / الحازم

[ضمن السناني]

هلا أخوي(الحازم) ومشكور علىالقصيدة
هلا يا مرحبا ترحيبة(ن) بالشاعر الحريف=ايصوغ البيت والمعنى مثل نقد الذهب ناير
شهادة صدق من شاعر تفوق الوصف والتوصيف=تسجل في حروف العز لأهل العرف والساير
وخلف المنتدى ياقف رجال الجود وأهل الكيف=أبو عبد الله اللي به على درب العلا ساير
عسى الله يحفظه ويكلل جهوده مع العريف=تسير القافله في دربها يوم الردي باير
ووجود أهل الوفا معنا يزيد المنتدى تشريف=ويبقى الطيب لأهل الطيب لو أن الزمن ثاير

[الجهني]

اخي الحازم شكرا لك على هذه القصيدة الترحيبية في المنتدى وأعضائه

عليك مني بياض الوجه --------- ياشاعر النظم والقلطه

كنت متأكد من رد أخي ضمن على هذه القصيدة ولاهي غريبة على أبو ريناد مشكور ياابو ريناد



تقبلوا تحياتي
أخوكم
=======
الجهــــــــــني

[ضمن السناني]

أحي الجهني

وجهك أبيض ياراع الطيب والنوماس وما عليك قصووووووووووووووور


وتسلم أخاً وصديقاً رائعاً

تقبل تحياتي

[الحازم]

اخوي ضمن

شكراً مليار على مشاركتك

وفعلاً قصيده رائعه من شاعر رائع

وابيات جميله تستحق الثناء

والله يعطيك اللعافيه

اخوك / الحازم

[الحازم]

اخوي الجهني

اقدّر تفاعلك معي سواء في النظم او المحاوره

والف شكر على جهودك في هذا المنتدى الرائع

والله يعطيك العافيه

اخوك / الحازم