المساعد الشخصي الرقمي

مشاهدة النسخة كاملة : اللي يبا يلعب 0000


الحازم
03-06-2002, 07:09 PM
اخواني الأعزاء

سوف اكون متواجد الليله بعد صلاة العشاء

ومن يريد اللعب معي فأهلاً وسهلاً

وهذه البدايه


يامرحبا ترحيب طيب وسموحه = موال من موال يضمد جروحه
واللي يريد العز يبني صروحه = هذا الصحيح وقولوا اللي تقولون

سلامي سلامٍ ياصل اليوم باليوم = ولو طال وقتي مايصير اختلافي
نبا نسأل العربان والعلم مقسوم = أشوف البحر زعلان والموج طافي


وتقبلوا تحياتي وتقديري

اخوكم / الحازم
الجهني
03-06-2002, 10:22 PM
اخوي الحازم / اسعد الله مساءك بكل خير
تراها مجرد محاولة مني وارجو منك ابداء ملاحظاتك فيها لأنك شاعر كبير واريد ان استفيد من خبرتك لانني من المبتدئين فأتمنى منك ابداء ملاحظاتك

وتقبل تحياتي
========
اخوك الجهني


دام البقاء ياللي تجيب التراحيب = ترحيب مع ترحيب يقفاه ترحيب
من خاطر(ن) مافيه شك(ن)ولاريب = هذا الصحيح وقولوا اللي تقولون



هلا مرحبا ترحيب وافي على الدوم = يصل حازم اللي دايم الدوم وافي
وعلم البحر مايعلمه غير قيوم = وربي كريم ولا عليه أمر خافي
الحازم
03-06-2002, 10:49 PM
اخوي الجهني

سعدت بمشاركتك

بصراحه انت شاعر جزل

ولا أستطيع ان أقول الا الله يعطيك العافيه

واستلم لاهنت


ياصاحبي مشكور بالحيل مشكور = من بعد شفت اسمك على الخط مسطور
واللي يبا يلعب معك صار مسرور = هذا الصحيح وقولوا اللي تقولون

يدوم البقا والليل قمرا مع نجوم = وجهينه خبرها فالقلوب النظافي
يازين البشر لاجابت علوم وعلوم = مثل من سرى بالبر والجو صافي


اخوك / الحازم
الجهني
03-06-2002, 11:37 PM
مشكور يالغالي وهذه شهادة اعتز فيها ولا عليك زود

استلم
===

عطنا الخبر ان كان تعرف تجيبه = علم البحر ياصاحبي مايندري به
هات الخبر مافيه شك(ن)وريبه = هذا الصحيح وقولوا اللي تقولون


وحنا نعز اصحابنا علية القوم = ولو كان جتنا اوصافهم بالخوافي
يازين الخبر لاجاك من واحد يعوم = ياصلك الخبر ياصاحبي زين ضافي
الحازم
03-06-2002, 11:53 PM
خلووووووووووووووووووها


البحر فيه اسماك والبر صايم = والعاقل اللي شافها بالعزايم
فلان جاب الحق وفلان صايم = هذا الصحيح وقولوا اللي تقولون

أشوف الزمن مابين حارم ومحروم = وأعرف السنافي يعتزي بالسنافي
اناظر سراب وفوقه أوهام وغيوم = وأشوف الحقيقه تحت ذيك السوافي


اخوك / الحازم
الحازم
04-06-2002, 12:07 AM
اخوي الجهني

اعذرني على هذا التصحيح

(فلان جاب الحق وفلان نايم )

ولك تحياتي

اخوك / الحازم
الجهني
04-06-2002, 12:44 AM
ماجاك منك قصور ياخوي ومنك نستفيد


ترى البحر صعب(ن)عليكم دخوله = اسمع نصيحة ناصح(ن)لك يقوله
ماكل واحد ياصحيبي يطوله = هذا الصحيح وقولوا اللي تقولون



اشوف البشر مابين ظالم ومظلوم = ولانشوف ظالم دايم(ن) له عوافي
تراها حقيقة مير شوفك لها وهوم = وحنا نحسب حسابها بالقوافي
الحازم
04-06-2002, 01:00 AM
اخوي الجهني

أستلم لاهنت


المعرفه مابيننا مستقله = وكل واحد جالس في محله
واللي يعرف النور يعرف يدله = هذا الصحيح وقولوا اللي تقولون

بداية معاركنا مع الفرس والروم = ولاننزل الا بالسيوف الرهافي
ولو كنت ماتقدر على البيع والسوم = ابأنصحك لاتمشي على القدم حافي


اخوك / الحازم
الجهني
04-06-2002, 01:57 AM
المعرفة والعلم ماهي مثايل = تنقال وسط الناس ياهل الدلايل
العلم واضح بين سامع وقايل = هذا الصحيح وقولوا اللي تقولون



ترى قسمنا ياصاحبي قسم معلوم = وكل العرب تقولها باعترافي
وترى فارق الخبرة يجي دايم قدوم = وكل (ن) على قده يمد اللحافي
ضمن السناني
04-06-2002, 02:37 PM
الرائع أخي/ الجهني
الرائع/ الحازم

وصلا 000 والله على الابداع والفتل والنقض

وأنا ماسك صفك يا (جهني)000والله والله أنك مبدع

ولا يهون الحازم

تحياتي
الحازم
04-06-2002, 03:51 PM
اخوي ضمن

شكراً على مرورك الكريم وقرائتك للأبيات

وابداء رأيك بها

والله يعطيك العافيه

اخوي الجهني

استلم لاهنت


العالم اللي فادنا في فتاويه = والعاقل الحاكم ولاأحدٍ يساويه
واللي مرض يلقى طبيب يداويه = هذا الصحيح وقولوا اللي تقولون

اشوف الصفات اللي تشارك بها التوم = والاقي كلام الناس ماهو بكافي
ترى ماانته بفايز ولاني بمهزوم = قوافي تسلينا وقافٍ بقافي


اخوك / الحازم
الجهني
04-06-2002, 05:20 PM
اخي الحازم / حفظه الله

السلام عليكم ورحمة الله وبركاته
أولا / اشكرك على المجهود الذي تبذله في المنتدى وعلى القصيدة الترحيبية التي نظمتها في المنتدى وأعضائه
ثانياً / لقد تشرفت أنا شخصياً بالاستفادة من خبرة شاعر كبير مثلك وشرواك مع العلم أن فارق الخبرة بيني وبينك كبير جداً لصالحك أنت طبعاً فأنا من المبتدئين 0
ثالثاً / سوف أطلب من الأستاذ أبو عبدالله المشرف العام على المنتدى منحك لقب ( شاعر المجالس الينبعاوية ) لأنك وبصراحة ودون مجاملة تستحق هذا اللقب 0

رابعاً/ استلم الختامية لاهنت


المعذرة يااهل الوجيه المسافير = إن كان جا بالقاف نقص(ن)وتقصير
وانته من اهل العرف واهل التدابير= هذا الصحيح وقولوا اللي تقولون

ترى اللي حصل ياصاحبي حظ وقسوم = وحنا مع الأجواد دايم نوافي
ولا تظن ياالحازم بها فرك بخشوم = ماغير انتسلى ياالصحيب الموافي


تقبل تحياتي وتقديري
اخوك
============
الجهـــــــــــــــــــــــــني
الحازم
04-06-2002, 06:23 PM
اخوي الجهني

أولاً لاشكر على واجب

فأنتم اخوان لي في هذا المنتدى الرائع وتستحقون أكثر

ثانياً انا لست بشاعر كما قلت

انا فقط متذوق للشعر وخاصة شعر المحاوره

ثالثاً انا أعتذر حالياً عن هذا اللقب لأني عضو جديد في هذا المنتدى

فأتمنى ان تبقى مشرفاً دائماً معنا

وتنير هذا المنتدى بأشعارك واقتراحاتك

وتقبل هذين البيتين في الختام


ياصاحبي جعلك على الدوم سالم = عن مامضى ربك شهيد وعالم
تبات مظلوم ولاتبات ظالم = هذا الصحيح وقولوا اللي تقولون

وفا والوفاء بجهينه سلوم وسلوم = ولولاك نور المنتدى صار طافي
مابيني وبينك صدق والكذب معدوم = سعدنا معك وحان وقت انصرافي


وتقبل تحياتي

اخوك / الحازم
الحازم
04-06-2002, 06:28 PM
مشرفنا العزيز أبو عبد الله

الف شكر على مرورك الكريم وابداء رأيك

وارجو ان تقبل اعتذاري عن طلبك

والله يعطيك العافيه

اخوك / الحازم
الجهني
04-06-2002, 07:03 PM
الأستاذ الفاضل / أبو عبدالله --------- حفظه الله

السلام عليكم ورحمة الله وبركاته

ياأستاذنا الفاضل مايامر عليك عدو 0ماشاء الله تبارك الله والله يعطيك العافية على هذا التجاوب السريع وهذا تقدير منك للأعضاء
أخونا الشاعر الحازم يستاهل اكثر ووجوده معنا في المنتدى سوف يضيف اليه ابداعات رائعة 0وسوف نستفيد من خبرته في هذا المجال
نعدك جميعاً بمشيئة الله تعالى بتقديم الأفضل 0


تقبلوا تحياتي
اخوكم
========
الجهـــــــــــــني
الحازم
04-06-2002, 10:51 PM
مشرفنا القدير ابو عبد الله

اخوي العزيز الجهني

السلام عليكم ورحمة الله وبركاته

اتقدم بالشكر الجزيل لمشرفنا القدير وجميع الشعار والأعضاء بهذا المنتدى الرائع

وأعدكم ان شاء الله بتقديم أفضل مالدي والتعاون مع اخواني بالمنتدى

وأردت بهذه المناسبه ان أكتب هذه الأبيات


مشكور يابو عبد الله انت مشكور = مشكور للي طلب واللي كتبها
المنتدى من رجاله بيت معمور = وأصل الرجال الحكيمه من نسبها
الله يعين الفتى لاصار مجبور = عساه يقدر جميله ماحسبها
اخوان حنا ترانا فرح وسرور = صداقةٍ بيننا للي كسبها


وتقبلوا فائق احترامي وتقديري

اخوكم / الحازم