نوعين

[ناصر المحياوي]

انـا لقيـت ان الرجاجيـل نوعـيـن=نوع اخـذ الاولـى ونـوع الاخيـره
حصلـت بالدنيـا كــرام ورديـيـن=ناس اهل بصر وناس عميـا بصيـره
وعندي حسب مااشوف للشخص تثمين=ولا احكم قبل ماشوف شـره وخيـره
وحسب السوايـر للعـرب والقوانيـن=ماتستـوي رؤس كبـار وصغـيـره
وماعمر نصلات الخوص والسكا كيـن=صارت مثل حـد السيـوف الشطيـره
ولاعـل رجـل مايفـرق بـالا ثنيـن=مـن جابتـه ماعـاد تفـرح بغيـره
الناس فيهـا رؤس قـوم ومساكيـن=علـى كـذا فـي كـل وقـت وديـره
تلقى رجـل لاشـاف الاجـواد لافيـن=حيابهـم والنـار عـنـده دهـيـره
ولا استقبل الخطار بالمذهـب الزيـن=عدا بكبـش مـن الكبـوش الكبيـره
وخلى الشحم تحت الايـادي قطاعيـن=ومن راعي الجـودات ماهـي كثيـره
كريم من سـاس الرجـال الكريميـن=وصـاه ابـوه وقـال عـز الذخيـره
من عزها يحسـب حسـاب العزيزيـن=ومن صرها خايـب وغـادي شويـره
راع الكـرم يشـذا لفـرخ الشياهيـن=في كفخته فـي هدتـه فـي مطيـره
وما الردي ملعـون ساسـه ملاعيـن=لعـل فيهـم ماتـطـول المسـيـره
لابــارك الله بالـرخـوم الرديـيـن=اضعـاف قـوم ولايـعـزون ديــره
تلقى واحدهم بـارد الوجـه والعيـن=تبدي على وجهه من الضيـف غيـره
ويوصـي الحرمـه وكـل البزاريـن=للضيـف قولـو راح ساقـت بعيـره
وهو مندعس بالبيت بيـن المواعيـن=اخـس خلـق الله علـى المستديـره
ولاعل من يرضـى ببنـت الهدانيـن=عسـاه منهـا مايـنـادي صغـيـره
واحاول تكون ام العيال من الاقصيـن=السيف عـزه مـن نصـاب وجفيـره
ولو مابقـى فالكـون غيـر الردييـن=اصرف نظرك وقـول بالامـر خيـره