ياضمن الله رعاك تفضل ياابوعواد

[الجهني]

اخوي ضمن استلم لاهنت
==============

مرحبا ياضمن والله رعاك = حققوا ياالسناني مطلبي
ضيفك اللي على الموعد لفاك = خبًر عنه ابو ياسر ويش يبي

[الحازم]

اخوي الجهني

اعذرني على هذه المداخله

انا اقدّر الشاعر ضمن

ولكن اود ان اطرح هذين البيتين


ياجهني ياعساك وياعساك = تشرح الوضع عند المغربي
يالسناني بعد ربي هداك = لاتنادي على الساعه أكذبي


وتقبل تحياتي

اخوك / الحازم

[الجهني]

هلا اخوي الحازم حياك الله واهلا بمداخلتك وانا سعيد جدا بك

واستلم لاهنت


المعنى بيني وبين اللي ناداك = واضح(ن)له لغيره مختبي
مايعرفه ماغير اللي نساك = يوم ضيع علينا الملعبي

[الحازم]

تسلم اخوي الغالي

وتفضل الله لا يهينك





يارفيقي ترى مالي سواك = حط فكرك براسك واقربي
فارس الوقت يعرف مستواك = بس من يوصله للأجنبي


اخوك / الحازم

[الجهني]

اخوي الحازم استلم لاهنت


يوم جانا المنادي من هناك = قلت هذا الطلب واللي ابي
تحت ضرس السناني وش رماك = فكروا كيف يكون المهربي



تقبل تحياتي وتقديري
===========
اخوك الجهنــــــــــــي

[الحازم]

اخوي الجهني

استلم لاهنت


وقتنا مايجي ساعة هواك = شايب الوقت مايرجع صبي
صل فرضك وداوم بالسواك = واعرف انه وصاه من النبي


اخوك / الحازم

[الجهني]

اخوي الحازم اكرر لك التحية


استلم
====


يوم ربي من المعنى عطاك = ليه خلف الاسامي تختبي
خلوا الاسم واضح من بغاك = قال يافلان وقلتوا من تبي



تقبل تحياتي ياشيخنا الحازم
===============
اخوك الجهنــــــــــــــــــــــــي

[ضمن السناني]

الرائع الجهني

الرائع الحازم

لله دركما


واصلا

والله أنك ماأنت بسهل ياجهني وتراني ما سك صفك


والليل ياشعراء

[الحازم]

اخوي الجهني

امتعتنا بالمحاوره معك

واتمنى التواصل معكم دائماً

وتصبح على خير

وتقبل مني هذين البيتين


الله اليوم يكتب لك هناك = ياصحيبي تراك مجرّبي
يسعدك في صباحك في مساك = واللقاء فالقريب ويطربي


وتقبل تحياتي وتقديري

اخوك / الحازم

[الجهني]

اخوي الحازم الله يسعد كل اوقاتك تشرفت باللعب معك والى اللقاء في المرات القادمة بمشيئة الله تعالى




تقبل تحيات اخوك
=========
الجهنــــــــــــــــي