ياباغي البكر السناد

[ساري ليل]

قصيدة اعجبتني في وصف الابل وحبيت انقلها لكم



ياباغـي البكـر السنـاد الرقاقـه
اللي غريبن شكلها ياهـل السـوق
اللي عشقها راعـي البـل عشاقـه
اشتاقها من دون عاشق ومعشـوق
من جات عنده جـات سيـد نياقـه
مع عرضها اللي وافي طولها فـوق
يلعـب لهـا جمهورهـا باالياقـه
لا جا نهارن فيه ملحـق وملحـوق
في زمـة المربـاع فيهـا طفاقـه
زرج تقوده في المرابيـع مطفـوق
دور لبوهـا فـي فحـول الرفاقـه
خطوا املح متنيوطن كنـه مدقـوق
كنه اليااقفـا فاجحـن فـوق ناقـه
واليا نطحته في النحر كنه مدقـوق
من طول عضمه من بعيدن دقاقـه
فليا قربته شوقك بالعضـا شـوق
افجح تعاوج لامشـا عظـم ساقـه
والخف كنه مدرعن فيـه طابـوق
وسنامـه المـذروب فيـه انفهاقـه
والذيل سدون هلـة عـاده فتـوق
واللحي كنه يرتخـي مـن عواقـه
واطيمسـن تفانسـه كنـه فالـوق
وليا مشـا ثـم التقـع باصطفاقـه
يشوق راعي الصنف ويتوق له توق
لا انحل قيده وانزعـج بانطلاقـه
ماكن كرسوعه بفي الزور مبنـوق
زينه مقيمن من غرايـس اعماقـه
امعربن زينه على ساس واعمـوق
يادافعن مالـه علـى غيـر فاقـه
اليا لقيته فادفـع الطـاق مطبـوق
لاشك فاهل البـر شوفـه شفاقـه
ولاهو يوقف بين صفة هل السـوق

الشاعر / مبارك بن سالم الغيثاني المري