الى الغالي ابو فواز فى انتظارك

[زرياب]

جيتك على حد منزالك = ولو كنت ابعد مدى لا جيك
نبغاك فى احسن احوالك = راعي مثل والموافا فيك
خلك على الطيب يبقالك = وزين النبا دوم فى طاريك
قلي من الناس وش جالك = نصلح لك الامر ونراضيك
أبوسعوووووووود

[ابو فواز]

يامن تعنيت بسؤالك=لجلك من الطيبين اغليك
واخفض جنابي لامثالك=وارفع لك الشان واعليك
ولو كان مارد جوالك=الامرعادي ولايشقيك
هذا جوابي على ارسالك=وان جيتنا ربنا يحييك

[برجس]

ياسلام ياابوفواز
اخلاق عالية لمربيين افاضل
الله يكثر من امثالك

[زرياب]

كفو عساك على القوه يابو فواز والشكر موصول للبرجس