يعوضني الله في صبري

[ابو فواز]

قالوا تجنب وقلت الآه=للآن موجود في صدري
وان كان ضيع مسار اخطاه=الله يعوض على صبري

[علي الخربطلي]

محاولة ارجو ان تتقبلها ياابوفواز
واعرف اني ماني قدك


لويقسي الوقت لاتنساه = واعلم ترى الطيبة تمري
من شكوتك والعليم الله = بدمكم حبهم يجري

[البندر]

لازال باقى امل نرجاه = يرجع على منهجه الدغرى
وبكره على بابكم تلقاه = وتقول قلى ابوغمرى
البندر _ ينبع النخل
البندورى
سويقه
15/9/1427هـــ

[السيد]

الأخ / أبو فواز
كل عام وإنت بخير

اتمنى ان اكون قد وفقت فالرد
لاتسمع اللي يقول إنساه = هذاك جاهل ومايدري
مايضيع سعيك فمن ترجاه = ولاتحسم الأمر من بدري

[ناصر المحياوي]

لاتستمع في كلام اوشاه=ماودهم جرحكم يابري
هذاك ياصاحبي شرواه= شيطان وسط الدماء يجري

[زرياب]

استاذنا /ابوفواز
ماهو لزم يستمع لك لاه=لاتحيد الفكر من بدري
مادمت شاريه في معناه=خلك مع اللي شراك اشري
=ابوسعووود

[برجس]

ان كانه الاه ماتقواه 000واللي علي الهدف يدري
الواجب يقلكم تدراه 000 لاتجعل الامر يستشري

[ابو فواز]

الأخ على الخربيطي / وجودك يسعدني ويسرني ياعسل
الأخ البند ر/ ماهو غريب منك الشعر الجميل عساك دائم لنا يالحبيب
الشاعر/ السيد محمد الذي اسعدني حضورك وردهكالجميل
وبالمناسبه اقول كل عام وانت بخير وله خالص الشكر والتقدير
الله لايحرمنا من امثالك
الشاعر ناصر المحياوي
الله يعطيك العافية كسرة في محلها لأهل القلوب المريضه
الأخ ابو سعود
لك بصمة خاصة تعجبني فيك الصراحة وتشكر على المشاركة الجميلة
الأخ / برجس الله يحييك زمان غائب لك وحشه وتشكر على ردك الجميل الله يعطيك العافية
وللجميع الف شكر وتقدير
،،،،،،،،،،،،،،،،،،،،،،،،،،،،،،،،،،،،،،،،،،،،،،،،

خط القلم والجواب اقراه=واميز الحرف من فكري
واعرف طريق السعو وقداه=واناظر الدرب قبل اسري