ما تنبلع فى الحلوق تغص

[أبو زارع]

خايف عليكم من المنقود = والناس فيها عقل وتخص
اللقمه اللي بلا مجهود = ما تنبلع فالحلوق تغص

[القالط]

اسعد الله اوقاتك يابو عبدالعزيز ماقلته حكمه
ولكن الامور تغيرت كثيرا وفقدت الامانه عند
كثير من الناس وهذه مشاركه لاترقى
الى مستوى طرحك

مبدأ تعارف عليه اجدود = وحنا معه دايما مانحص
لكن بشر خاينات عهود = ماهمهم غير بس ترص

[أبو زارع]

حياك الله يابو نواف لك كل الشكر والتقدير على ردك الراقي الذي يعكس لنا نظرتك الثاقبه وسعه افقك واشكرك على تواضعك الجم وسمو اخلاقك وسوف اعتبر هذا التواضع تشجيع ورفع معنوي من استاذ الى تلميذه.. اتمنى لك افطارا هنيئا ...

لك فعل بين العرب مشهود = ومن ساسه الزود ما ينقص
صاب الهدف منطق المردود = لجلك بالامثال متخصص

[زرياب]

حكمها الصقر ابو نواف ولا نزيد على قوله ولا حنا واصلين مواصيله. لكن يابو عبدالعزيز اعجبتنى الكسره ودي ارد سامحونى انت وابو نواف .


بعض العرب فكرها محدود = كل ماسمع له طبل يرقص
ماهو من اهل الكرم والجود = خلا العرب تشتريه برخص
تلميذكم ابو سعوووووووود

[القالط]

شكرا جزيلا يابوعبدالعزيز على سمو اخلاقك
والشكر موصول لابو سعود
كليكما شرف لى معرفتكما
لكما الود كل الود