يخزي وجه( ناصر) ويخزي حليفه

[أبو زارع]

لشاعر نايف


البارحه كن الفضاء غرفه انعاش = وانا المريض اللي حياته كسيفه
والهم ذيب للمعاليق عراش = والقلب شيخ واعظم الحزن ضيفه
واليا نشدنى واحد قلت له ماش = ماله جديد للقديم بنظيفه
ياليتها ضيق فالارزاق واعتاش= اعتاش لو مالقى بعمري وظيفه
وليت السبب حب لاطراف رعاش = كم من وليف ماحصل له وليفه
مير البلا لا شفت للدين نهاش = من النفوس الحاقدات الضعيفه
من عادتى لا جبتها جبتها كاش = واللى زعل يزعل على كيف كيفه
هاذا جواب عاجل لطاش ماطاش = يخزي وجه ناصر ويخزي حليفه
مانقبل الصوره بتفكير حشاش = لاهل القلوب الطاهرات الشريفه
لاعاش من يشتم هل الدين لاعاش = ولا عاش من يشهر على الدين سيفه
ذولي هل التوحيد يالغادر الغاش = ريفك وريف اللي خذ الوقت ريفه
قلوبهم بيضاء وابيض من الشاش =وافعالهم عند المعادى كليفه
ذولا رجال الدين يا ؟؟؟ الاحواش =الله مكرمهم بمله حنيفه
بكره لاجتك المنيه على فراش = ومرت حياتك قدم عينك عصيفه
عرفت انك مرتكيلك على قشاش = وانك ضلمت اهل القلوب النضيفه
فى وقتها مانك من الموت منحاش = يحاسبك راعى العدل والنصيفه
ان عشت ياخفاش وان مت خفاش = ما يفقدك غير العقول الخفيفه
واختامها ماني بجايك برشاش = حنا بحكم هل السيوف الرهيفه
مير افهم الموضوع يا طاش ماطاش = واترك تفاهات اليهود السخيفه