المساعد الشخصي الرقمي

مشاهدة النسخة كاملة : واظب على الفرض وقيامه


ابو فواز
03-10-2006, 01:41 AM
الثلث روح من ايامه= لا يمر وانته خلي يدين
واظب على الفرض وقيامه=فاللي تبقى من الثلثين
أبو زارع
03-10-2006, 04:34 AM
هاذي نصيحه من مثمن اضعها تاج على رأسي الف شكر يا استاذنا الغالي على هذه الكلمات الغاليه ... جزاك الله خير الجزاء
القالط
03-10-2006, 09:14 AM
الله يجزاك خير يابوفواز
ويكتب لنا جميعا الاجر والثواب
الرأي 1
04-10-2006, 02:41 AM
لا يمر وانته خلي يديـن
الله يجزاك خير يابو فواز ورأي زين الله يغفرلنا ويغفرلك ويعيننا على ماتبقى
ابو فواز
05-10-2006, 04:35 PM
الأخوة الأفاضل
ابو زارع ـــابو نواف القالط ـــــــــالصقار الرأى1
يسلم راسك ياابو زارع راسك مليان الله يخارجنا منك كلامك كلامك كبار،، ونسأل الله يكب لنا الأجر جميعاً

ابو نواف /القالط
الله يتقبل مناو منكم صالح الأعمال ويكتب لجميع المسلمين الفوز والفلاح
رايك نأخذبه ونعتزبه يحفظكم الله ويرعاكم
الأخ الراي 1

لك راي فالمنتدى واضح=رجال ماتعرف البهتان
وبالخير ميزانكم راجح=فالحق ماتخسر الميزان
الرأي 1
05-10-2006, 09:30 PM
ماخاب ظني رجل ناصح = يامثمن القيل يافنان
وياصاح لايهمك الماسح = زيته خلط واتلف الرمان

ادعي معي يابو فواز لاصحاب القوه الخارقه والقدرات العقليه الفائقه بالشفاء العاجل .
الرحال
05-10-2006, 10:23 PM
الله يسمع منك يابوفواز
وانا اقول
عسى لك تعود اعوامه=ويعودلك بالسعاده سنين
وتفرح بلقياه وصيامه=وتهنى احبابك الغالين
قول آمين
وكل عام وانته بخير بعد الزحمه
ابو فواز
05-10-2006, 11:59 PM
ماخاب ظني رجل ناصح=يامثمن القيـل يافنـان
وياصاح لايهمك الماسح=زيته خلط واتلف الرمان




ادعي معي يابو فواز لاصحاب القوه الخارقه والقدرات العقليه الفائقه بالشفاء العاجل
اليك الرد يامليح

امدها اليد واصافح=لجل النبأ عانق الوجدان
ماهوعلى مافعل رابح=مثلك على مثلهم سلطان
ابو فواز
06-10-2006, 12:26 AM
الله يسمع منك يابوفواز
وانا اقول


عسى لك تعود اعوامه=ويعودلك بالسعاده سنين
وتفرح بلقياه وصيامـه=وتهنى احبابك الغاليـن

قول آمين
وكل عام وانته بخير بعد الزحمه
حياك الله ياابو سالم
واسأل الله لك دوام الصحة والعافية وان يعيده علينا اعوام عديدة واشكرك على المداخلة
وان شاء الله مجزي خير واليك الرد ،،

عساك دايم على اليامه= دعواك وصلت وقلت آمين
وتعيش واقع من احلامه= ياشيخ وافي من الوافين
انس الدريني
06-10-2006, 12:37 AM
الله يجــــــــزاك بالخير .. يابوفواز

وأعاننا الله وإياك على صيامه وقيامه
ابو فواز
06-10-2006, 11:59 PM
مرحبا فيك ياابو عرب
وكل عام وانت بخير وجميع المسلمين
ونسأل الله ان يتقبل صيامنا وقيامنا ويكب لنا واياكم الأجر والثواب