مدااااااااح نفسه منه معزوف!!!

[زرياب]

مداح نفسه منه معـزوف=فعل الاجر والـذي منـه
ياشين من يعمل المعروف=ويفخر بفعلـه ويمتنـه
=ابــوســعــووووود

[ناصر عواد]

ابو سعود
كل عام وانت بخير
تقبل تحياتي

[أبو زارع]

صغير فالمنزله معروف = ومصدق انه سبق سنه
لا طلعت الشمس بكره تشوف = زغلول يرجع على خنه

[زرياب]

ابوزارع
رمضان كريم



ارسلت شوقي لكم بحروف=فيها رجاء الدين والسنه
مالك جعلت الصفى موصوف=وطحنت هيلك على بنه
=ابوسعووووود

[أبو زارع]

اللهم اني صائم]

لا تلف فالمسأله وتطوف =وتنددن الحرف وتزنه
مستاء من ردك المحروف = اللى اخلف الحرف عن قنه

[عاشق حزن]

كل عام وانت بخير اخي زرياب

من فترة ما قرات لك مشاركات هنا

مازلت اتابع ما تكتبه من قصائد وكسرات وخواطر

تحيتي

[زرياب]

سهمك سرى مايعود يروف=لحنك وتكفى لنا غنه

ياباشة اهل الصفى المالوف=اللي على الدوم ماعنه

=ابوسعووووود

[أبو زارع]

مادام يلعب على المكشوف = والناس مستلطفه فنه
وش ينفع الطب بالمكفوف = لا غاب ضو القمر عنه