ناصر المحياوي
29-09-2006, 01:32 AM
شعرتي بالجريح اللي ورا حدب الضلوع ينـوح=انـا ادري ماشعرتـي لوشعرتـي ماتكبيـنـه
والا ياللي رحيلك يعتبر عندي رحيـل الـروح=رحل قلبي معك واللـي بقـا نـازف شرايينـه
تعالي وارجعي والله غدت كل الـدروب جـروح=تعالي نطوي الماضـي حـرام اللـي تسوينـه
انا من كثر ما ابكي ناح من نوحي حمام الدوح=وبكى شجر النخيل وجر ونـه مـن بساتينـه
وبكى موج البحر والدر والمحار حتـى اللـوح=مع انه من خشب لكن شعـر باللـي حوالينـه
وبكى الباب وبكى الشباك شوفه من سنة مفتوح=كـأن لسـان حالـه ينتظـر رجعـة محبينـه
وانا اللي قلت يمنعني شموخي مستحيل ابـوح=ولكن لاذكروك بدون مـا اشعـر قلتهـا وينـه
ترى لا انتي ولا انا مالنـا بالتفرقـه مصلـوح=حرام فيوم نهدم صرح عشـر سنيـن بانينـه
لزوم لكل منا يقـول للثانـي الخطـا مسمـوح=ولو سوى خطا كبر الجبـال يصيـر ياهوينـه
هذا لو كان لك قلب رقيـق وبالحنـان يفـوح=مثل قلبي ولكن احسـاس شاعـر ماتحسينـه
ويكفيك الجريح اللي ورا حدب الضلوع ينـوح=وانا عـارف شعرتـي بـس قررتـي تكبينـه
أخوكم ناصر عليثه
والا ياللي رحيلك يعتبر عندي رحيـل الـروح=رحل قلبي معك واللـي بقـا نـازف شرايينـه
تعالي وارجعي والله غدت كل الـدروب جـروح=تعالي نطوي الماضـي حـرام اللـي تسوينـه
انا من كثر ما ابكي ناح من نوحي حمام الدوح=وبكى شجر النخيل وجر ونـه مـن بساتينـه
وبكى موج البحر والدر والمحار حتـى اللـوح=مع انه من خشب لكن شعـر باللـي حوالينـه
وبكى الباب وبكى الشباك شوفه من سنة مفتوح=كـأن لسـان حالـه ينتظـر رجعـة محبينـه
وانا اللي قلت يمنعني شموخي مستحيل ابـوح=ولكن لاذكروك بدون مـا اشعـر قلتهـا وينـه
ترى لا انتي ولا انا مالنـا بالتفرقـه مصلـوح=حرام فيوم نهدم صرح عشـر سنيـن بانينـه
لزوم لكل منا يقـول للثانـي الخطـا مسمـوح=ولو سوى خطا كبر الجبـال يصيـر ياهوينـه
هذا لو كان لك قلب رقيـق وبالحنـان يفـوح=مثل قلبي ولكن احسـاس شاعـر ماتحسينـه
ويكفيك الجريح اللي ورا حدب الضلوع ينـوح=وانا عـارف شعرتـي بـس قررتـي تكبينـه
أخوكم ناصر عليثه