خلوووووووووووووووووها

[الحازم]

اخواني الأعزاء

اللي يبا يلعب معي يستلم


هلا يامرحبا ترحيبة فيها علوم رجال = بدايتها شهود إثبات والدوله سعوديه
عساكم يارجال بخير وأصل الكيف بالفنجال = نبا نسعد بكم لحظات والدوله سعوديه

[ضمن السناني]

أخي الحازم

أولاً مرحباً بك وحياك الله بين أخوانك وبدايتك تبشرنا بشاعر كبير

نتمنا أن يشاركنا بأسمه الحقيقي لدعم المنتدى

ثانياً خلوووووووووووووها
عسى فيك البقا ياللي ترحب والعلوم اطوال=بدايتها شهود ثقات والدوله سعوديه
وأصل الكيف لأهل الكيف لو دار الزمان وطال=تقدم وأسعد الأوقات والدوله سعوديه

[الجهني]

اخي الحازم اهلا بك في منتدانا وحياك الله بين اخوانك


فيك البقا ياللي ترحب عد ماهب الشمال = بدايتها سكر نبات والدولة سعودية
حنا نرشح لك ضمن من يوم جا فيها مجال = نبا نشوف له وقفات والدولة سعودية



شد حيلك اخوي ضمن

[الحازم]

تسلمون ان شاء الله

والله يعطيكم العافيه

خلوووووها


ترى فالليل ظلمة وانتبه تال النهار ظلال = ولا تتغيّر النظرات والدوله سعوديه
يقولون الرضا ساس القضاء والعدل بالمكيال = مثل هطل المطر حبات والدوله سعوديه


مع تحيات

اخوكم / الحازم

[ضمن السناني]

خلووووووووووها
على وضح النقا مشي الشيوخ ولا عليه اجدال=ليا قامت لك الغارات والدوله سعوديه
وساس العدل تطبيق الشريعه والقضاء ما مال=ولو طالت ترى اللفات والدوله سعوديه

[ضمن السناني]

أخي الحازم

موعدنا الليلة على الهواء مباشرة الساعة الحادية عشر والنصف ان شاء


الله

وتسلم

[الحازم]

اخوي ضمن

انتظرتك في موعدك ولم تحضر

عسى المانع خير ان شاء الله

واستلم لاهنت


تحاول وش تحاول ياصحيبي والحمول ثقال = عسى ماتكثر الزلات والدوله سعوديه
يقولون السناني في جبل رضوى يسوق جمال = واظنّك ماتلف القات والدوله سعوديه


مع تحيات

اخوك / الحازم

[ضمن السناني]

أخي الحازم

أنتظرت منك الموافقه على الموعد ولم ترد رغم أن اسمك كان موجود

في المتصفح

لكن حنا فيها أنا أخوك وحدد الموعد أنت وحياك الله

وأستلم
تخفى لو تخفى فالمواقف يالطيف الحال=ترى ماهي علوم الشات والدوله سعوديه
لقيت الشاوي اللي يشعب ابعيره مع الحمال=على دربه لقى صكات والدوله سعوديه

[الجهني]

الشاعران الرائعان /

الأخ / ضمن السناني
الأخ / الحــــــــــــــازم

واصلا الابداع ونحن في انتظار هذه المحاورة الشيقة بينكما وأنا في صف

أخي ضمن السناني مع احترامي وتقديري لأخي الحازم



تقبلوا تحياتي وتقديري
===========
الجهــــــــــــــــــــــني

[الحازم]

اخوي ضمن

انا انتظرت البدايه منك

تفضل لاهنت


يقولون العرب من قال كلمه مانكر ماقال = لكن اللي تعدى فات والدوله سعوديه
اشوفك يالسناني تسرح وتضوي مع العمال = عساك تصلّح اللمبات والدوله سعوديه


اخوك / الحازم

[ضمن السناني]

أخوي الجهني تسلم يا مال الغنيمه وافي ومن روس قوم

أخي الحازم

هلا وغلا

وأنا قصدي اتكمل الوسيم اللي بديته وكان الرد عندك

وأستلم يالقرم
ترى اللي يطلبون الحق أهل السلم والمعدال=ليا بانت لك الطلبات والدوله سعوديه
وميقافي مع أهل العلم وأهل المال والأعمال=على وضح النقا وقفات والدوله سعوديه

[الحازم]

استلم لاهنت


يازين اللي يكّمل واجبه يشعر براحة بال = ولا يبكي على اللي مات والدوله سعوديه
ترى من يعتزي بالنار مايصرف جنيه ريال = نصد النار باللّيات والدوله سعوديه


اخوك / الحازم

[ضمن السناني]

خلوووووووووووووووووووووووها
صحيح الكلمه اللي تثبت وتارد مع الأمثال=ليا كبرت تروح أشتات والدوله سعوديه
وأشوف الطقس متقلب ومتغير مع الأحوال=ولو طالت به الجولات الدوله سعوديه

[الحازم]

اخوي يعطيك الله الف عافيه

على هذه المحاوره الرائعه

وان شاء الله نلتقي قريباً

واستلم هذين البيتين


نهاية قافنا ياقف على العقدة مع الحلال = ولو راحت بعد ماجات والدوله سعوديه
عساك بخير دايم يارفيق الدرب والموال = ونختمها على الحسنات والدوله سعوديه


وتقبل تحياتي

اخوك / الحازم

[ضمن السناني]

أخي الشاعر / الحازم

وفيت وكفيت وبيض الله وجهك


وتصبح على خير والمعذرة والسموحة

وتقبل تحياتي