خاطره

[ابو فواز]

ماجبتلي بندق ولا ملح للبارود=ماشي على نيه وقلبي مصفيها

الطيبه تبقى وراع الوفاء محمود=والزله اللي مالها ساس اعديها

[أبو زارع]

ماجبتلي بندق ولا ملح للبارود=ماشي على نيه وقلبي مصفيها

الطيبه تبقى وراع الوفاء محمود=والزله اللي مالها ساس اعديها

صح لسانك يابو فواز يشهد الله انك راعي الطيبه والنيه الصافيه وهذا الكلام سمعناه فى غيابك كثر الله من امثالك .

[ناصر المحياوي]

اليك ياابو فواز
على ابياتك الجميلة


على الوفاء والطيب عندي لك شهود=معروف والأجواد تعرف باساميها
أهل الوفاء بافعالها دائم تزود=والكلمة العوجاء على رأس راعيها

[عايش الدميخي]

ياشيخ ربعك وارث الطيب والجود =فعايلك بالمدح ما اقدر اوفيها
من يجحد انك قيّده ذاك مقرود = والشمس بالغربال ما حى يخفيها

[ابو فواز]

الأخ العزيز الشاعر خضر زارع
ماعليك زود ولك خالص الشكر والتقدير على الإ طراء
الأخ الشاعر ناصر المحياوي
اشكرك جزيل الشكر على الرد الجميل

المكرم الشاعر العزيز العملاق عايش الدميخي
الكبير في فكره النبيل في اخلاقه
لك خالص الشكر والتقديرعلى ردك الجميل وهذه محاوله وقد نميتموهافي فكري انت والأخ ناصر المحياوي
وقد خرجت بهذا الرد لعله ينال استحسانكم

م
من عادتي ابعد عن الشر واذود=وذود دون الطيبة واحتميها
من طيبين الأصل والجود والزود=جتني معاني طيبه في قوافيها

[أبو فياض]

ابو فواز
ماجبتلي بندق ولا ملح للبـارود=ماشي على نيه وقلبي مصفيهـا
الطيبه تبقى وراع الوفاء محمود=والزله اللي مالها ساس اعديهـا


ناصر المحياوي
على الوفاء والطيب عندي لك شهود=معروف والأجواد تعرف باساميهـا
أهل الوفاء بافعالهـا دائـم تـزود=والكلمة العوجاء على رأس راعيها


عايش الدميخي
ياشيخ ربعك وارث الطيب والجود=فعايلك بالمدح ما اقـدر اوفيهـا
من يجحد انك قيّده ذاك مقـرود=والشمس بالغربال ما حى يخفيها


ابو فواز
من عادتي ابعد عن الشر واذود=واذود دون الطيبـة واحتميـهـا
من طيبين الأصل والجود والزود=جتني معاني طيبه فـي قوافيهـا