قصيدة خالد الفيصل ردا على تحرشات الأنــذال والحاسدين

[أبو سفيان]

حنا العرب يامدعين العروبه =وحنا هل التوحيد وانتم به اجناب
وحنا شروق المجد وانتم غروبه =وحنا هل التاريخ وانتم به اغراب
يوم الفقر شلتوا علينا عيوبه =واليوم عقب النفط جيتوا لنا انساب
ويوم الفقر شفتوا البداوه سبوبه =واليوم صرتوا مثلنا بدو واعراب
لو الهوا منكم منعتوا هبوبه =لاشك رزاق الملا رب الارباب
ولو المطر منكم منعتوا صبوبه =لاشك رزق الخلق من عند وهاب
جيش الحسد سقتوا علينا حروبه =كل يبي يزرع على جسمنا ناب
حرب على المحسن تراها عقوبه =يالله عساكم ماتفيدون حراب
ياما عطينا ماندور مثوبه =إلا من اللي من ترجاه ماخاب
ويامانصرنا صاحب ضيقوا به =عاداتنا نقدم الاما الردي هاب
وياما نصانا من تعثر دروبه =يدخل حمانا من تعذره الاصحاب
حنا بنينا دارنا من طيوبه =وانتم سلبتوا داركم كل ماطاب
الله سقانا من بحرنا عذوبه =وانهاركم مثل البحر هدر تنساب
وحنا زرعنا الحب بارض خصوبه =وانتم زرعتم كره الاجيال بتراب
وحنا دعينا السلم نوبه ونوبه =وانتم حمام السلم بعتوه بغراب
يامن دعا للحرب ما ادرك خطوبه =لاتحسب ان الحرب تهديد وخطاب
من شب نار الحرب يصلا شبوبه =ومن ثور الفتنه تعرض للاسباب
ومايستر الرجال ملبوس ثوبه =الدين وافعال الكرامه له ثياب
ومايقبل الرجال بحماه حوبه =مادام له حق وللحق طلاب

خالد الفيصل

[الأستاذ غازي]

مشكور مشرفنا الغالي على هذه القصيدة الرائعة من الشاعر الرائع

[العطاوي]

صح لسان صاحب السموالملكي

الأمير خالد الفيصل


أتيت تحمل من بعيد الأممتعه لتأتي بها

من أبها الديار عبر السهول والجبال أخرجت منخرج أدبك الرفيع

أحد روائع دائم السيف

هذا الرد الذي يليق

سلام

[فيصل الجهني]

هذي القصايد اللي الواحد يستمتع بقرائتها

دائما مبدع الشاعر دائم السيف

[إبراهيم المحياوي]

رائعه من روائع أبو بندر إبان الغزو العراقي للكويت وتحرشاتهم بالسعوديه
نشكر أستاذنا الغالي أبو سفيان على إيرادها لنا كامله

[أبو زارع]

حنا العـرب يامدعيـن العروبـه = وحنا هل التوحيد وانتم به جناب
لا شك الشاعر سمو الامير خالد الفيصل شاعر عملاق يعرفه الجميع ونفتخر به كشاعر سعودى .
ولكن ما كتبه فى هذه القصيده لا يتماشى مع ما نعرفه عن سمو الامير من سمو اخلاق واختياره
الموفق دائما للمفردات . فى هذه القصيده سمو الامير ليس من حقه ان يصادر حق بعض العرب
لعروبتهم وليس من حقه كذلك ان يجعل توحيد الله لنا كسعوديين ويوصف الأخرين بأنهم دخلاء
ولا يفقهون معنى التوحيد . من وجهه نظرى العروبه لا يحددها وطن وتوحيد الله حق لكل المسلمين ارجو
من سمو الامير اعاده النظر فى ما كتب , والله من وراء القصد