مخطر على النفس يغديها

[ابو فواز]

من لاحسب للأمور حساب=مخطر على النفس يغديها
ويسير في حوزة الحساب=اللي يحسب تواليها

[ياسر الكبيدي]

من القلب ياخال

كل حرف له عندنا إعراب = دعواك وأبغى أجاريها
ياخال بانت لنا الأسباب = وأصدرلك أحكام قاضيها
لو قلت فالمدرسه طلاب = النفس هذي أمانيها
نكسب وتكسب وفي كساب = والجائزه بخت راعيها
أنا فتى وإنت راسك شاب = والكل خطواه حاسيها
لأن لأهل الملامه باب = وأحنا الملامات نخشيها
وأعلم تراها النفوس طياب = والكل نفسه مراضيها
حرفك على حرفنا إعجاب = تكيد وتسر قاريها
وقدام لانقفل التجواب = وقبل البدايات ننهيها
أنت مثل مأنت فالمرقاب = عالي ومنازلك نعليها
ومهما تسير الأمور صعاب = وتعسر علينا مراقيها
حياتنا مدرسة وكتاب = والكل عنده أمل فيها

وياصحابنا سامحونا

[ابو فواز]

البناخي ياسر
اتمنى لك اوقات سعيده
مادام اعترضت الكسرة ورديت عليها أهم عندي فيما ورد فيها من االآغصان الأتية

وأعلم تراها النفوس طياب=والكل نفسـه مراضيهـا


لك الله كان فيها لحن كنت قاصده في موضوع أخر
وماشاء الله عليك سرعة البديهية عندك ابهرتني الله يحفظك من كل حاسد
دائماً يقول ابو فياض ياسر صغير وعقله كبير معانيه معاني شعار كبار
واشكرك على التقدير والأحترام المتبادللك خالص الشكر على الرد الجميل وما يحتويه على مفردات متنوعه
دمت بكل خير

[ياسر الكبيدي]

ياخال الأولين يقولون
( الولد وإن طاب طيبه من خواله )

وأنت من خوالي الذين أفتخر بمخولهم لي
رجل راعي قن وواجب شيخ إذا طريت الشيخه
ووافي إذا طريت الوفا .

وزي مايقولون ياخال فالأغاني
( كلك على بعضك حلوا ياأبو فواز )

لك مني خالص الشكر والتحيه والتقدير
لسعة صدرك ياخال فأنت الخال وانا البناخي
وإن زليت لاتزعل عليه وإن جاتكم زله عذري يباريها .

[ابو فواز]

وإن زليت لاتزعل عليه،، مرضى عليه ولاعليك خلاف
الواحد يحساها قبل تقع ولافيه داعي للشد تحياتي

[ياسر الكبيدي]

يامهون الأمور يارب