خاطره فشخره سامحونا . انا بكيفى امررها

[أبو زارع]

أنا بكيفى أمررها = وأصيدها وقت ماودى
واغض طرفى واطيرها = لا شفتلى حال متردى

[العناب]

اسمحلي يابوزارع
متهيض شوي خذها بدون قيود





ماهوبكيفك تفسرها=وتاخذ بالافكار وتودي
إما المعاني تقررها=والا اجعلك ظلم متعدي
عبدالعزيز بنية
العناب

[ناصر الحجوري]

خليني ازيدها لك فشخره يابو عبد العزيز

لو ما مواقف وخابرها = مايجيك بخصوصها ردي
بعض الخواطر نقدرها = احيان واحيان متعدي

[العناب]

مادام حضر امير الكسرة على الجميع ان يصمت

ابوزارع انا اغبطك على حضور الامير
ترا الرد خالي من اي شائبه ولا يحمل اي قصد لتفادي الشبهات ولكن كسره جميلة تحمل رأي وانا لي رأي لااقل ولااكثر.

تحياتي للجميع

[ناصر الحجوري]

الله يجبر بخاطرك يابو بشاير على هذا الاطراءوماجا من بعيد من ابن اخي
ولكن والله ياعبد العزيز انني رديت وانا لااعلم بانك رديت
وعلى فكرة خلينا نرجع للمتعارف عليه وهي انك انت تنطحت الكسرة وانا اردفت
ويحق للمردف الاستمرار او الانسحاب
وانا منسحب بس لايعرب علينا ابو عبد العزيز

[أبو زارع]

حياكم الله أبو بشاير الشاعر العذب الذي تطربنى مخارج حروفه وايقاعها الشجى. واستاذنا الكبير الغنى عن التعريف الذي يطرب له كل من له صله بشعر الكسره أمير الحرف مروركم اللطيف أسعدنى وهذه خاطره قلت اجرب اسوي فيها شاعر لكن حرقتوها علينا ما خليتونا نتهنا لكم خالص التحيات
. ابو بشاير حبيبى نكن لك التقدير والاحترام واحتكاكنا بك مكسب لنا خذ راحتك ما يجى من الطيبين الا الطيب اهم شى لا تغيب علينا . ابو محمد والله اسمع بالتعريبه لكن والله ما دري وش هي ياليتك تشرحها لي لا يغرك انا شاعر نت لو تاخذ الجهاز من قدامى والله ما تفرح بغصن مني .

أوعدك ما عاد أكررها = وأشوف نفسى محد قدي
ما عندنا ما يبررها = ولانى فالمثال متحدي

[أبو ناجي]

كسرات جميله وردها اجمل واروع
شاكرين لكم

[ناصر الحجوري]

أفا 000 يابو زارع شاعروقايد صف الهيئة الملكية
ومسميك ابو فياض كرنب أملج
وماتعرف التعريب ياعيب الشوم يابو زارع
وعلشان لو لقابلتني في صف وتأخرت عليك بالرد والا جبت لك حرف مكرر
ما تسوق الكف عليّ ولو عجزت ارد عليك وسريت ما تدق الزير والطيران خلفي
لجل كذا ماني معلمك بالتعريبة
عزيزي الغالي ابو عبد العزيز كسراتك ديمآ فيها روح الفكاهه
ولا شك ان الحرف عنوان صاحبه وانت روحك مرحة وقلبك طيب
واليك مع التحية اخر مردود قبل التعريبة


يابو النوادر وشاعرها = الفشخرة تبطلي كبدي
وعسل حروفك وسكرها =تحتاجها الناس يافندي