إلى الأستاذ - خليل الثقفي

[كاسر الحرف]

دعوه لكم أيها الشاعر=نبحر سوى في بحور القيل
قلبي عليه الأسى ماطر=وأنا لك الله ضعيف الحيل

[خليل]

جيتك وانا للشعر حاضر = ابحر معك لابغيت النيل
وهات الّّّّّّّّّّّذي كاسر الخاطر = حتى منه نكتب التحليل
مع تحياتي

[ابو فواز]

والله عسل الكلام
حتى فالرديح ماتسمعه بساطه وسلاسة وتحول في الكلمة وصيغة الأخذ والرد
معكم نتابع خلكم على هذه الوزرة

[كاسر الحرف]

آجاهد النفس وآكابر=والروح تشكي عذاب مهيل
تجاسروا .. سبة الماكر=بعد أتقن الدور فالتمثيل

[خليل]

قد ايش وسط العرب غادر = لا يخيلك القول والتطبيل
والحق في نهايته ظاهر = لاسرت واقف معه ماتحيل

[كاسر الحرف]

حاولت حسب الذي قادر=وإستنزفتني دروب الويل
وياللأسف حظنا عاثر=أخلف معي ناتج التحصيل

[خليل]

هيا استمع رد يالكاسر = موزون مايقبل التأويل
مادمت في وضعك الخاسر = ولالك أمل فيه للتعديل
اطويه من صفحة الحاضر = حتى يجي وقت للتفصيل
وتكون في موقفك ماهر = قادر على البحث والتأصيل
ويصحابنا سامحونا

[ناصر الحجوري]

اخي الغالي ابو هاني استئذنك بهذا الرد على الشاعر كاسر الحرف
مع التحية


قل البخت حير الساحر = لامال ما ينعدله ميل
والحظ لاثار له ثاير = راعيه يكسب كفوف الكيل

[كاسر الحرف]

ابوهاني _ أعتز بهذا اللحن _ أشكرك على إتاحة الفرصه

أبومحمد _ شكرا على الرد ايها الشاعر العملاق