العــــــــارف لا يُعـــــــــرّف

[العطاوي]

السلام عليكم ورحمة الله وبركاته




أقدم لكم اليوم أخر ما جاد به فيض قلمي

في هذه المحاولة أمل أن ينال رضاكم









العــــــــارف لا يُعـــــــــرّف
***********************
**********
*****
**
*
*
*
*



شفت كيف العـين تعمى والقلوب اللي تشوف=كيف كان القلب شايف كل شي (ن) ينشرا
.
شفت شي (ن) لا تمشى ما درا عنه الألوف=شفته وما شفت بايع يوم شفت اللي شرا
.
شفته ومن شفت روحي شافته شوفة رهوف=يوم شاف الجرح ينزف أقبل وجرحي برا
.
شفت أشكال و عجايب شفت ألوان وطيوف=بين هم وبين غم وبين شي (ن) ما طرا
.
عشت في دنيا المعارف حيلتي عزم وحروف=شفت حلم وفيه علم الحلم نادر يندرا
.
الله المعطي حليم الظيم في ظلم الظروف=شفت كيف الوقت ظلمه يحرم العين الكرا
.
جعل عين (ن) مابكت له أو تباكت ما نشوف=يا عساها يا عساها لا تشوف ولا ترا
.
فوق ما كنت أتصور في سمانك في عجوف=كيف لك معنى السعادة من لياليها سرا
.
كل من حاز المعاني والأماني والوصوف=كل نجم (ن) في حياته من وراه الأجدرا
.
فيه فرح وفيه جرح وفيه للدنيا عزوف=فيه جمع وفيه طرح وفيه كسرن يُجبرا
.
فيه سلم وفيه حرب وفيه لمعات السيوف=في عيونه سحر عيني رمش زي المجهرا
.
فيه لمع وفيه دمع وفي عيوني كيف أشوف=لاح برق (ن) من عيونه في عيوني أجهرا
.
هل دمع العين منظر وقت ترتيب الصفوف=ساحرات النون هلن وأمطر الدمع وجرا
.
فيه أنا مستودع الله يحرسة من كل شوف=ميّزه رب الخلايق يجهله من لا قرا
.
شيء للعادات خارق فيه معجم للحروف=دام عارف ( لا ) يعرّف والمعرف ما درا
.
يعلم الله لو تدبر في سطوره من يشوف=لا نوى يمشي تعثر وإن مشى يمشي ورا

.



الخميس


16/7/1427هـ

أمل أن تنال رضاكم وإستحسانكم

4/8/1427هـ
الإثنين