الى الأستاذ خليل/ سلام من قلب ومرادي

[ابو فواز]

سلام من قلب ومرادي=أخذمعك فالصفا جوله
ياللي بحرف المثل شادي=مستغرب الو ضع من قوله
ماهو على جنب وحيادي= يسعى على شيء ماينوله
من دونه الخيل واعتادي=وسيوف الأجداد مصقوله

[البندر]

حسيبك الله يامثمن

ماهو على جنب وحيـادي=يسعى على شيء ماينولـه
من دونه الخيل واعتـادي=وسيوف الأجداد مصقولـه

[خليل]

يامرحبا بشعلة النادي = جتني معانيك مرسوله
والوضع ماهو معك هادي = من زود الحمل وحموله
ومادام بالقول متمادي = ولاهو على حق بوصوله
دور على حل من غادي = واحبل حبايلك من حوله
مع تحياتي

[ابو فواز]

اليك أخي العزيز

الضيم مرضى على بلادي=من جاهل اغراه معقوله
يناوش من البعد ويعادي=واللي أستمع شاف محصوله
وقت السعه يجلس ينادي=وعند الوغاء يصعب وصوله
ماودنا الركب ينقادي =يمشي على نهج مدلوله

[ابو فواز]

الأخ الشاعر البندر
وجودكم مكسب لنا وتشكر على اطراءك الله لايحرمنا منك
ننثرلك الورد والكادي=يامن على الطيب وكموله

[خليل]

على قول استاذي ناصر الحجوري في احد مراديده لّي ( الرد محتاج برادي ) لذا استميحه عذراً بالسطو على هذا الغصن لأستخدمه خلال ردي وإليك اخي ابوفواز
،
،


الوضع من شرحكم بادي = صعبه مراقيه وسهوله
( والرد محتاج برادي ) = حتى معي تخرج حلوله
هيا استمع نصّ للحادي = جاتك معانيه موصوله
فلمّ الحطب نار وقادي = ماتنطفي تجلس ليوله
ولافرّقت نارها آحادي = ما اتطول وتروح بسهوله
وراع العقل دوم متهادي = لجّل البلد00 يجمع فلوله
ويصحابنا سامحونا

[ابو فواز]

قاضي بالأحكام سدادي=سابق لكم فالمثل طوله
وتشكر أخي الشاعر خليل على تفضلكم بالرد وممتن
من شخصكم الكريم وعلى اسلوبك الراقي
مع خالص تحياتي

[ناصر الحجوري]

جئت اسجل اعجابي بالمحاورة التي دارة بين القطبين
المثمن ( الضيم مرضى على بلادي)(من جاهل اغراه معقوله)
ونجم الكسرة( راع العقل دوم متهادي) ( لجل البلد يجمع فلوله)
هذا مايخص اعجابي
اما مايخص اسغرابي
هل ابو هاني بذكره للغصن يقصد سبق صحفي
ويكشف عن اسمي هنا
ومهما تكن الاجابة
فهي لك يابو هاني إذهب الى هناك
وستجد ابو مدهون الثاني يعتذر لابو مدهون الاول
وبهذا الذكاء يابوهاني يكون السبق لك
واذا هناك طلب
اطلب منك نقل الكسرة والرد الى هنا اذا امكن ذلك
لك يابو هاني ولابو فواز كل محبة واعتزاز

[خليل]

اخي ناصر الحجوري اسعدني حضورك وإطراءك وان كنت هناك في منتديات ينبع النخل تدخل بأبو مدهون الثاني فحرفك كالشمس لايحجب بغربال
وان كنت سأنقل من هناك بعض المحاورات الّتي دارت بيننا فأنني سأنقل أولاً احلا إطراء وشهادة قلتها لّي هناك وهي
،

يانجم ياعدّ يامدرب = اصبحت هيبه ولك تقدير
لاجيت بالصف ما اعرب = اعطيك صفي وادق الزير،
اما موضوع البرادي والّتي استخدمتها هنا فقد كانت في رد منك على الخاطرة التاليه
،

خليل
لّي عشق ماهومعي عادي = ولاعشق ليلى ولا المجنون
عشقي انا يعتبر هادي = أعطيه حبلي واجر بهون
ناصر
الرد محتاج برادي = اعصر علىكاسه الليمون
واوطي الصوت بالرادي = واردلك واكسب المليون
الود مايسمع منادي = ولاترده حبال لو تلوون
عنيد لنّه نحى غادي = ما يشبهه فالعند فرعون
،
للحرف معك عذوبة المتمكن وهيبة الكبار هذا هوناصر الحجوري
اخي ابوفواز اشكرك على اختصاصي بهذه المحاورة الّتي اتمنا من خلالها ان اكون قد وفقت بالرد عليها
وللجميع تحياتي

[ناصر الحجوري]

الرد محتاج برادي =اعصر على كاسه اليمون
واوطي الصوت فالرادي = وارد لك واربح المليونطبعآ يابو هاني لاننا في ينبع النخل
وفي فصل الصيف
تخيلت نفسي جالس تحت شجرة اليمونه
واتسمع على اخبار هنا لندن في الراديو
وبراد الشاهي عندي باليمون
وعندي مشتكى ابو هاني
هذا هو سبب مجيء الغصن
شكرآ يابو هاني على نقلك للكسرات من منتديات ينبع النخل
الي
المجالس الينبعاوية
واضنك قرات اعتذار
ابو مدهون الثاني
لابو مدهون الاول
عندما كشفت عن اسمي الحقيقي
ورجع اللقب لصاحبه الاصلي
اسطورة الكسرة
(على مبروك ابو مدهون )

[ابو فواز]

[
poem font="Simplified Arabic,6,white,normal,italic" bkcolor="transparent" bkimage="" border="double,8,darkred" type=1 line=0 align=center use=ex num="0,black"]
ابداع رائع من الشعار = اللي لهم فن فالكسره
يبقى لهم فالصفاء تذكار=يحى مع الناس في ذكره[/poem]
ابداع رائع من الشاعرين ووجودكما في المنتدى من الركائز
الأساسيه له بما تثرون المنتدى به من كسرات جميلة/
مع خالص الشكر والتقدير

[ناصر الحجوري]

شكرآ يابو فواز على الكسرة الغاليه بمعناها
واليك مع التحية



جانا ثناء مثمن الاشعار =و ثناه سِلم الى الشهره
حرفه في بحر المثل سنجار = شاعر وماتنقصه خبره

[ابو فواز]

تشكر يابو محمد
وشهادتك نفتخر فيها لإنها من شاعر ذو خبره ويعتبر فارس الكلمة
بس هذي الكسره اليوم طرت عليً

سمعت ماقال فالأعذار=يوم الرجل باح عن صدره
بالزيف قدم عذر ماصار=شاهد على فعلهم غدره

[ناصر الحجوري]

الزيف مهما باروده ثار = مايهز من راسكم شعره
يامثمن إخلق له المعذار = مادمت هيبه ولك نبره