المساعد الشخصي الرقمي

مشاهدة النسخة كاملة : من حائل إلى القصيم إلى طيبة الطيبه



محمد الهريويل
18-06-2006, 05:41 PM
بمناسبة زيارة خادم الحرمين الشريفين إلى كلاً من : حائل -- القصيم -- طيبة الطيبة

و تهانيننا للجميع بالزيارة الكريمة




بين القلم و الفكر منصوف=عذر الذي لا وصف حاير
ما يكتمل وصف للموصوف=لو بوصف لعامنا الداير
حائل لها بالجمال وصوف=زايد عليها الكرم وافر
يم القصيم الذي معروف=دار الوفا بالوفا عامر
طيبه لها بالجمال صنوف=النور من يمها ظاهر
ضعف الجمال الذي مألوف=يجذب خيال الذي ناظر
ما أقول يا عين شفت ضيوف=شفت الأبو لأسرته زاير
مسرور بسرور ناس وقوف=حول الأبو وسطهم حاضر
نِعم الأبو بالقدر مصفوف=ما يغيب لحظة عن الخاطر
لإن إسمه كُتِب بحروف=بقلوبنا و الرسم ساطر
يسعى ما بين المدن و يطوف=كل المناطق لها فاكر
درب السعد بالسعد مرصوف=ينبع يجيها بعد باكر
يبذل جهد بالعيون يشوف=وش حاجة الدار من آمر
آمر لنا و الجنود صفوف=جميعنا لو بحر عابر
وصف الصقر ما يهاب ظروف=لا أعصار لا شمس لا ماطر
من ود ماني عنه مكفوف=طبع الولد بالأبو فاخر
وردة قطف نطقها بلطوف=مبسم لها بالإسم ذاكر
يا طفلةً بالسلام تنوف=حيابها سرت الناظر
ودي على ودهم معطوف=بالخير عبدالله الظافر
حار الفكر و القلم موقوف=وصف الذي بنظره عاسر



أبو عاطف

أبو زارع
18-06-2006, 05:45 PM
صح لسانك يابو عاطف يستاهل الوالد القائد ابو متعب الله يطول لنا بعمره .


وصف الصقر ما يهاب ظروف = لا أعصار لا شمس لا ما طر
من ود مانـي عنـه مكفـوف = طبع الولد بالابو فاخر

ناصر عواد
20-06-2006, 03:53 AM
الله الله الله
يا ابو هريويل
رائع رائع رائع

يعطيك الف العافية

الــصــقــر
21-06-2006, 03:34 AM
الله عليك كلمااات ارووع من الرااائعه

متــ عن بعدــــابع
21-06-2006, 05:37 AM
وصف الصقر ما يهاب ظروف


لا أعصار لا شمس لا ماطـر

بس بقول كلمة يمكن مالي بالشعر ولا الكسرات بس هناك شي يشد الجميع وهو التذوق للمنطوق أي كان نوعه


شكرا ابو عاطف

أبو سفيان
21-06-2006, 10:50 AM
شكرا / أبو عاطف على إحساسك الوطني تجاه قائد مسيرتنا

وراعي نهضتنا مليكنا المحبوب حفظه الله ورعاه

وهي كسرة جميلة معبرة عن واقع الحال في زيارات الملك البار الصالح

لمناطق المملكة وتفقد أحوال المواطنين ..

إبراهيم المحياوي
21-06-2006, 04:45 PM
آمر لنـا و الجنـود صفـوف
جميعنـا لـو بحـر عـابـر
كسرة جميلة معبرة عن واقع الحال في زيارات الملك لمناطق المملكة وتفقد أحوال المواطنين
صح لسانك يابو عاطف

من يربح المزيون
22-06-2006, 02:04 PM
شكرا / أبو عاطف على إحساسك الوطني تجاه قائد مسيرتنا

وراعي نهضتنا مليكنا المحبوب حفظه الله ورعاه

وهي كسرة جميلة معبرة عن واقع الحال في زيارات الملك البار الصالح

لمناطق المملكة وتفقد أحوال المواطنين ..

يستحقها ابو متعب وجه الخير و صقر الجزيره مشكور ياهريويل عبرت عنا