إلى أبو زارع مع التحيه

[إبراهيم المحياوي]

سلام بالمنتدى نبديه=لأستاذ بالقيل وفنونه
نبغى لحن ونتمجرافيه=أسلى بقلبي عن غبونه

[أبو زارع]

عداد ما فالسماء ترعيه = وعداد ما هلت مزونه
ترحيب مثل العسل صافيه = للى على الطيب يطرونه

[الصبحي 2006]

ترحيب مثل العسل صافيه =للى على الطيب يطرونه
أسجل وافر أعجابي بالبدع والرد

[إبراهيم المحياوي]

اللي مضى كنت حيل أغليه=وأغليت أنا ناس يغلونه
واليوم بوك الغلا طاويه=ولا شافني صد بعيونه

[إبراهيم المحياوي]

حياك الله يا صبحي 2006 وتسلم على المرور والإعجاب

[أبو زارع]

لا صرت زود الغلا معطيه = وش الذي أخلف ظنونه
ما حكم على الغيب واخطيه = ان كان ما بان مكنونه

[إبراهيم المحياوي]

ياكم مره زهم وأجيه=أستسهل الموت من دونه
واليوم ماله غرض وأقضيه=زوّد على قلبي طعونه

[أبو زارع]

لا تأخذنا ياإ ستاذ ابراهيم بالتقصير والتأخير ترى على قد الحال نتعلم من مثلك وشرواك .

الطيب يبقى مع راعيه = واللى قصر بان مضمونه
اشطب سجله معك والغيه = لا عاد تتكى على متونه
ويصحابنا سامحونا .مع خالص الود التقدير

[إبراهيم المحياوي]

أخي الشاعر صاحب الأحساس المرهف أبو زارع تسلم يا غالي على المشاركه وما جا منك قصور
وأشكرك على تفضلك وردك علينا حيث أننا لا زلنا نتعلم من الأساتذه أمثالكم
ولك خالص تحياتي