‏يـا ليتنـي خدامـة بيـن اياديـك

[حد السيف]

قصيده ام بعد ان وداها ولدها .. للمصحه ( دار العجزه )



وين انت ‏يا حمدان امـك تناديـك=‏وراك مـا تسمـع شكايـا وندايـا
‏يا مسندي قلبي على ‏الدوم يطريـك=ما غبت عن عيني وطيفك سمايـا
‏هذي ثلاث سنين والعيـن تبكيـك=ما شفت زولك زايـر يـا ضنايـا
‏تذكر حياتي يـوم اشيلـك واداريك=‏والاعبـك ‏دايـم وتمشـي ورايـا
‏ترقد على صوتي وحضني يدفيـك=ما غيرك احدٍ ساكن فـي ‏حشايـا
‏واليا مرضت اسهر بقربك واداريك=‏ما ذوق طعم النوم صبـح ومسايـا
‏ياما عطيتك من حنانـي وبعطيـك=‏تكبـر وتكبـر بالأمـل يـا منايـا
‏لكن ‏خساره بعتني اليـوم وشفيـك=‏واخلصت للزوجه وانا لي شقايـا
‏انا ادري انها ‏قاسيـه مـا تخليـك=‏قالت عجـوزك مـا ابيهـا معايـا
‏خليتني وسط المصحه وانا ‏ارجيك=‏هذا جزا المعروف وهـذا جزايـا
‏يـا ليتنـي خدامـة بيـن اياديـك=‏من ‏شان اشوفك كل يوم برضايـا
‏مشكور يا ولدي وتشكر مساعيـك=‏وادعـي لـك الله ‏دايـم بالهدايـا
‏حمدان يا حمـدان امـك توصيـك=‏اخاف من تلحق تشـوف الوصايـا
‏اوصيت دكتور المصحه بيعطيـك=رسالتـي واحروفهـا مـن بكايـا
‏وان مت لا ‏تبخل علـي بدعاويـك=‏واطلب لي الغفران وهـذا رجايـا
‏وامطر تراب القبر بدموع ‏عينيـك=ما عـاد ينفعـك النـدم والنعايـا

========================

من المؤلم ان نجد بعض الابناء يتبرأ من احد والديه او كلاهما

و لكن كما تدين تدان

نسأل الله العفو و العافية

وللجميع تحياتي وتقديري
أنس الجهني

[إبراهيم المحياوي]

والله قصيده محزنه يتفطر لها القلب
وتسلم أخي أنس على هذه القصيده

[أبو ريان]

الله يهديك ويصلحك ياحمدان
ويسلمك ياأنس على حسن الأختيار

[عاشق الينبعين]

الاخ /انس الجهني
السلام عليكم ورحمة الله وبركاته
قصيدة رائعة ومعبرة بكل كلمة وجزاك الله خيرا على اختيارها وياليت كل شخص يقرأهذه القصيدة حتى تؤثر عليه وكثير من يضع والديه أو احدهما في دار العجزة هل هذا جزاء الوالدين والرسول صلى الله عليه وسلم يقول( معنى الحديث) ألك والدين قال :نعم قال :ففيهما فجاهد ،

[حد السيف]

أخواني الأعزاء
إبراهيم المحياوي
صـوت الثواني
عاشق الينبعين

أشكركم على مروركم الكريم ومشاركتكم الجميله
تمنياتي لكم بالتوفيق والنجاح

وللجميع تحياتي وتقديري
أنس الجهني