النمر ذاق الهزيمه وباض

[عاشق حزن]

اخوي ابو فياض وينك


كنت ابي ارد في موضوع ابو سفيان


بس خسارة لقيته غير القافيه ,, عاد قلت ابي اكتب الرد بصفحه مستقله




( ابو فياض )

عجيب عاشق غدى مهتاض= واستـاذ عـواد مستحسـن
والشهم ياكـل بيـده راض =ما ينتظر حسنـة المحسـن


اليك ردي مع حبي



عاشق حزن

ويش فيه معصب ابو فياض = ياخوفنا اليوم لا ينجن
شاف النتيجه ودمعه فاض = مسكين بـ ( قطه ) خاب الظن
روحو اجمعوا باقي الانقاض = اللي هدمها هلال الفن
النمر ذاق الهزيمه وباض = مع ريسه يبكي وسط الخُن
عاشق حزن من زمانه قاض = خلك على الاتي ودندن
غرقان ياللي بحرنا خاض = واكلك لايغني ولا يسمن












كل الود


عاشق الكواااااااسر

[فهد راجح]

الاهلي يشكى من الاجهاض = وعاشق حزن كل ساعه يون

رّوح وقضى وجيب أقراض = يمكن عساه النزيف يكن

[أبو فياض]

الصديق عاشق حزن
مين المعصب الحين خلاص ياعيوني
اكلتوها واكلناه وطلعنا حبايب وتبقى المحبه
وتبغى الحقيقه كسرتك رائعه فضفضت فيها
ولما لقيت كسرة فهد راجح قلت كفايه على صاحبي
لازم اغير الاسلوب واليك الرد


لي قلب فسحة امل ورياض= فيها نبت ودك المعلن
خايف عليكم من الامراض= وكثر الهزايم جعلك مدن
والان باقي معك وماض=لو صرت اتي تكون احسن
ماافرض عليك الامر افراض=ابغاك تفرح ياعاشق حزن
لان قلبي معك فضفاض= لاضقت تلقى اخوك يحن
لايمكن القلب لك يغتاض =واحب الاهلي عشان تكن

[عاشق حزن]

هلا باخوي فهد

انا كنت ابي ( محمود )

بس دامك جيت مافي مشكله
واليك ردي مع ودي لك




( نمرك ) صغير يلبس الحفاض = واسنانه للآن ما طلعن
( تمساحنا ) أخضر قوي وعضاض = يطحن لك ( النمر ) طحن البن



واعذروني على بعض العبارات ,, هي جات كذا
علشان يا دوبي مبتدي ,, وانتم ماشاء الله لكم باع طويل في الكسرااات


لي رجعه اخي الغالي ابو فياض



كل الود



عاشق الراااااااقي

[عاشق حزن]

لي قلب فسحة امل ورياض= فيهـا نبـت ودك المعلـن
لان قلبي معـك فضفـاض= لاضقت تلقى اخـوك يحـن
لايمكن القلب لـك يغتـاض= واحب الاهلي عشان تكـن




أخي الغالي ( محمود )

فالبدايه اعتذر لك ولجميع اخواني الاعضاء
لو كنت زعلتكم بدون قصد
او كانت في كلمه كتبتها واغضبتكم ,, وخصوصا مشجعي الاتحاد واولهم انت اخي محمود
ما كتبناه كان تنفيس عما نشعر به ,, نحن وانتم لخروج فرقنا من الموسم دون اي بطوله
ويعلم الله انني لم ولن اقصد ان اسيء لاحد بما كتبته
فقط حبيت اني اخلي الاتحاديه يعصبون ,, زي ما عصبونا


مهما كتبت فلن اوفيك ما تستحقه من التقدير والود
فالله يعلم مافي القلوب

واشكرك لما كتبته عني في السابق في منتدى املج ,, وما كتبته هنا
والذي اعتبره وسام من اخي الاكبر افتخر بحمله

واتمنى ان تقبل هذا الرد ,, رغم ما به من اخطاء



عاشق يحبك يا بو فياض = واسمك بقلبه ترى مدون
واعذرني لاخطيت فالالفاض = يا غالي يا طيب المعدن




اخي محمود فاكر هذه الكسرة
V
V
V
Vhttp://up5.w6w.net/upload/19-04-2006/w6w_20060419030254a5e47dd8.jpg




مازلت احتفظ بها كصورة في داخل الجهاز
كنت اول شخص من شعراء الكسرة الكبار اللي شجعني
واللي افتخر بكوني مبتدي و هاوي للكسرة , واجد هذا التشجيع من
شاعر كبير زيك ,, وكسرتك اللي كتبتها لي وهذا النداء يدل على اهتمامك باخوانك المبتدئين

واقول لك ان كسرتك هذه التي كتبتها لي هي السبب اللي خلاني اعود للمشاركة معكم في قسم الكسرات
في منتدى املج بــاسم ( alsaheer )




كل الود


اخوك


عاشق حزن

[أبو فياض]

اخي الغالي والصديق
عاشق حزن
صدقني لو ماني واخذ عليك مااكتب حرف ولا ارد
ولكن قد سبرت غورك وعرفتك نقاء وصفاء قلبك
وما هو الا للمداعبه الاخويه وكما قلت للتنفيس
وعلى فكره اخي عاشق انا شجعتك بعد مانقدتك
والحمد لله هاانت تتلاعب بالكسره كما تريد
واصبحت تقولها بكل سهوله وتعبر بها عن اى موضوع
وكسبتك صديقا واخا
اما الصوره لم تظهر عندي
واشكرك على الاطراء ولا حرمنا منك ومن وجود امثالل
دمت اخا غاليا


للود مايعترض عراض= بيني وبينك اساسه قن
بالحب نبض المشاعر ماض= مايوقفه شىء لايمكن
ابو فياض