أبو ريان
15-04-2006, 01:46 AM
أيامنــا واللـيالي كم نعــــاتبها =شبنا وشــابت وعفنا بعض الأحوالي
أيام في غلبــــــها وأيام نغلبها =وأيام فـــــيها سوا والدهر ميالي
تاعد مواعيد والجـــــاهل مكذبها =واللي عرف حدّها من همها سالي
إن أقْبَلَت يوم مـــا تصفي مشاربها =تقفي وتقبل ومادامت على حالي
في كل يومٍ تورينا عجايبها =واليوم الاول تراه احسن من التالي
جربت الأيام مثلي من يـــجربها =تجريب عاقل وذاق المـــر والحالي
يضحك مع النـــاس والدنيا يلاعبها =يمشي مع الفــيّ طوعٍ حيث ما مالي
كم من علومٍ وكــــم آداب نكسبها =والشعر مــــازون مثقال بمثقالي
أعرف حروف الهجا بالرمـز وأكتبها =عاقل ومجنون حــاوي كل الأشكالي
لكن حـــظي ردي والروح متعبها =مافادني حسن تأديـــبي مع أمثالي
إن جيت أبي حــاجةٍ عزت مطالبها =والعفو ماواحداً في النـــاس ياوالي
قومٍ ليـــــا جيتها رفّت شواربها =بالضحك وقلوبها فــيها الردَى كالي
وقومٍ ليــــا جيتها صكّت حواجبها =وابدَت لي البغض في مقـفاي وإقبالي
ماكنّي إلا مســــوّي حال مغضبها =والكل في عشرته مـــاكر ودجالي
ياحيف تخفى أمـــورٍ كنت حاسبها =واللي على بالهــــم كله على بالي
الجار جافي وكــــم قومٍ محاربها =والأهل وأصحــابنا والدون والعالي
والروح وش عذرها في ترك واجبها =راح الحسب والنسب في كثر الأموالي
نفسي تبا العز والحــاجات تغضبها = ترمي بها بين أجــــاويدٍ وأنذالي
المال يحيي رجالاً لا حيــــاة اِبها =كالسيل يحيي الهشيم الدمـــدم البالي
عفت المنازل وروحي يــوم أجنّبها =منها غنيمة وعنْها البعــــد أولالي
لاخير في ديرةٍ يشقى العــزيز اِبها =يمشي مع الناس في هـــمٍ وإذلالي
دارٍ بها الخوف دوم مايغــــايبها = والجوع فيها ومعـها بعض الأحوالي
جَوعى سراحــــينها شَبعى ثعالبها =الكلب والهـــــر يَقْدِم كل ريبالي
عـــز الفتى راس ماله مع مكاسبها = يا مــرتضي الهون لا عزٍ ولا مالي
ذللت بالروح ليــن أرخصْت جانبها = وأنا عتيبي عـــريب الجد والخالي
قومٍ تدوس الأفـــاعي مع عقاربها = وِالْها عزايم تهــــد الشامخ العالي
خل المنازل وقل للبـــــين يندبها= يبكي عليها بدمع العــــين همالي
لا تعمر الدار والقالات تخــــربها = بيع الردي بالخسارة واشتــر الغالي
ماضاقت الأرض وانسدت مذاهــبها= فيها السعة والمراجل والتــــفتالي
دارٍ بدارٍ وجيرانٍ نقــــــاربها= وأرضٍ بــأرضٍ وأطــــلالٍ بأطـــلالي
والناس أجانيب لـــين انك تقاربها= وتكون منهم كمـــا قالوا بالأمثالي
الأرض لله نمشي في منـــــاكبها = والله قدّر لنا ارزاقٍ وآجـــــالي
حِثّ المطايا وشرِّقها وغـــــرّبها= واقطع بها كل فــــجٍ دارسٍ خالي
واطعن نحور الفيافي في ترايـــبها= وابعد عن الهم تمــسي خالي البالي
من كل عِمْلِيّةٍ تَقْطع براكـــــبها= فِدافِد البيد دِرْهــــــامٍ وزِرفالي
تِبْعدك عن دار قـــوم ودار تِقْرِبها= واختر لنفسك من المــــنزال منزالي
لو مت في ديرةٍ قـــــفرا جوانبها = فيها لْوَطْي الســـباع الغِبس مدهالي
أخَيْر من ديرةٍ يجــــفاك صاحبها = كم ذا الجفا والتجــــافي والتّعِلاّلي
دُوس المخاطر ولا تخــشى عواقبها= الموت واحد وبعْد العــــز يجلالي
إن المنايا إذا مدّت مخــــــالبها= تِدْرِكّ لو كنت في جو السمـا العالي
ما قرّت الأُسْد في عالي مَراقــــبها= تسعى على الرزق ما حنّت للاشبالي
والشمس في برجها والغيم يحــجبها =تِقفي وتِقبل لها في العرش مــجدالي
رب السموات يا محصي كـــواكبها= يا مجري السفن في لجّات الأهــوالي
ضاقت بنا الأرض واشتبّت شــبايبها= والغيث محبوس يا معبود يـــا والي
ياالله من مزنةٍ هبّت هــــــبايبها= رعّادها بات له في البحــر زلزالي
ريح العوالي من المنشا تِجَـــاذَبها =جذب الدّلِي من جِبا مطويّة الجــالي
ديمومةٍ سلّبت وارْخَــــت ذوايبها =وانهلّ منها غزير الوبــــل همّالي
تسقي دياراً شديد الوقـــت حاربها= ما عاد فيها لبعض النـــاس منزالي
يا جاهل اسمع تمـــــاثيلٍ مرتّبها =فيها معاني جمــــيع القيل والقالي
مثل المحابيـــب زادت في قوالبها =في صرفها زايدة عن قـرش وريالي
يارب توبــــه وروحي لا تعذبها= يوم القيامة اذا ماضـــاقت أعمالي
وأزكى صــلاةٍ على المختار نوهبها= شفيعنا يوم حشــــرٍ فيه الأهوالي
أيام في غلبــــــها وأيام نغلبها =وأيام فـــــيها سوا والدهر ميالي
تاعد مواعيد والجـــــاهل مكذبها =واللي عرف حدّها من همها سالي
إن أقْبَلَت يوم مـــا تصفي مشاربها =تقفي وتقبل ومادامت على حالي
في كل يومٍ تورينا عجايبها =واليوم الاول تراه احسن من التالي
جربت الأيام مثلي من يـــجربها =تجريب عاقل وذاق المـــر والحالي
يضحك مع النـــاس والدنيا يلاعبها =يمشي مع الفــيّ طوعٍ حيث ما مالي
كم من علومٍ وكــــم آداب نكسبها =والشعر مــــازون مثقال بمثقالي
أعرف حروف الهجا بالرمـز وأكتبها =عاقل ومجنون حــاوي كل الأشكالي
لكن حـــظي ردي والروح متعبها =مافادني حسن تأديـــبي مع أمثالي
إن جيت أبي حــاجةٍ عزت مطالبها =والعفو ماواحداً في النـــاس ياوالي
قومٍ ليـــــا جيتها رفّت شواربها =بالضحك وقلوبها فــيها الردَى كالي
وقومٍ ليــــا جيتها صكّت حواجبها =وابدَت لي البغض في مقـفاي وإقبالي
ماكنّي إلا مســــوّي حال مغضبها =والكل في عشرته مـــاكر ودجالي
ياحيف تخفى أمـــورٍ كنت حاسبها =واللي على بالهــــم كله على بالي
الجار جافي وكــــم قومٍ محاربها =والأهل وأصحــابنا والدون والعالي
والروح وش عذرها في ترك واجبها =راح الحسب والنسب في كثر الأموالي
نفسي تبا العز والحــاجات تغضبها = ترمي بها بين أجــــاويدٍ وأنذالي
المال يحيي رجالاً لا حيــــاة اِبها =كالسيل يحيي الهشيم الدمـــدم البالي
عفت المنازل وروحي يــوم أجنّبها =منها غنيمة وعنْها البعــــد أولالي
لاخير في ديرةٍ يشقى العــزيز اِبها =يمشي مع الناس في هـــمٍ وإذلالي
دارٍ بها الخوف دوم مايغــــايبها = والجوع فيها ومعـها بعض الأحوالي
جَوعى سراحــــينها شَبعى ثعالبها =الكلب والهـــــر يَقْدِم كل ريبالي
عـــز الفتى راس ماله مع مكاسبها = يا مــرتضي الهون لا عزٍ ولا مالي
ذللت بالروح ليــن أرخصْت جانبها = وأنا عتيبي عـــريب الجد والخالي
قومٍ تدوس الأفـــاعي مع عقاربها = وِالْها عزايم تهــــد الشامخ العالي
خل المنازل وقل للبـــــين يندبها= يبكي عليها بدمع العــــين همالي
لا تعمر الدار والقالات تخــــربها = بيع الردي بالخسارة واشتــر الغالي
ماضاقت الأرض وانسدت مذاهــبها= فيها السعة والمراجل والتــــفتالي
دارٍ بدارٍ وجيرانٍ نقــــــاربها= وأرضٍ بــأرضٍ وأطــــلالٍ بأطـــلالي
والناس أجانيب لـــين انك تقاربها= وتكون منهم كمـــا قالوا بالأمثالي
الأرض لله نمشي في منـــــاكبها = والله قدّر لنا ارزاقٍ وآجـــــالي
حِثّ المطايا وشرِّقها وغـــــرّبها= واقطع بها كل فــــجٍ دارسٍ خالي
واطعن نحور الفيافي في ترايـــبها= وابعد عن الهم تمــسي خالي البالي
من كل عِمْلِيّةٍ تَقْطع براكـــــبها= فِدافِد البيد دِرْهــــــامٍ وزِرفالي
تِبْعدك عن دار قـــوم ودار تِقْرِبها= واختر لنفسك من المــــنزال منزالي
لو مت في ديرةٍ قـــــفرا جوانبها = فيها لْوَطْي الســـباع الغِبس مدهالي
أخَيْر من ديرةٍ يجــــفاك صاحبها = كم ذا الجفا والتجــــافي والتّعِلاّلي
دُوس المخاطر ولا تخــشى عواقبها= الموت واحد وبعْد العــــز يجلالي
إن المنايا إذا مدّت مخــــــالبها= تِدْرِكّ لو كنت في جو السمـا العالي
ما قرّت الأُسْد في عالي مَراقــــبها= تسعى على الرزق ما حنّت للاشبالي
والشمس في برجها والغيم يحــجبها =تِقفي وتِقبل لها في العرش مــجدالي
رب السموات يا محصي كـــواكبها= يا مجري السفن في لجّات الأهــوالي
ضاقت بنا الأرض واشتبّت شــبايبها= والغيث محبوس يا معبود يـــا والي
ياالله من مزنةٍ هبّت هــــــبايبها= رعّادها بات له في البحــر زلزالي
ريح العوالي من المنشا تِجَـــاذَبها =جذب الدّلِي من جِبا مطويّة الجــالي
ديمومةٍ سلّبت وارْخَــــت ذوايبها =وانهلّ منها غزير الوبــــل همّالي
تسقي دياراً شديد الوقـــت حاربها= ما عاد فيها لبعض النـــاس منزالي
يا جاهل اسمع تمـــــاثيلٍ مرتّبها =فيها معاني جمــــيع القيل والقالي
مثل المحابيـــب زادت في قوالبها =في صرفها زايدة عن قـرش وريالي
يارب توبــــه وروحي لا تعذبها= يوم القيامة اذا ماضـــاقت أعمالي
وأزكى صــلاةٍ على المختار نوهبها= شفيعنا يوم حشــــرٍ فيه الأهوالي