بلالون

[خليل]

عاشق تغير عليه اللون = والطعم باقي على لسانه
كيف يتأكد منه والبون = تباعدت فيه اركانه
مع تحياتي

[البارع]

الاستاد خليل
تقبل منى

ماشئ يبقى فهذا الكون = على ما تخبر فميدانه
لكن اذا مالقى له عون= ما يبان تأثير ازمانه
سلمت ودمت بخير

[خليل]

اخيل حولي واشوف مزون = وديار تشرب ورويانه
وديارنا بالقرب يسقون = احيان00 واحيان ضميانه

ترونا نمزح ونتسلى !!!!!

[البارع]

الاستاد الفاضل خليل
ارجو قبول هذا الرد

اللى مهو لك مهما يكون = ما يكون فى يدك سلطانه
وربك يسوق المزون بهون = للمستحقين لا حسانه
سلمت ودمت بخير سيدى

[خليل]

إليك استاذي البارع
,
,


حنا على طاعته ما نخون = نمشي على نهج قرآنه
لكن لنا احلام لو تدرون = في داخل النفس مليانه
مع تحياتي

[البارع]

عارفك راعى عقل موزون = والخير ماتفوت ميدانه
وما يعاقب الشرع والقانون = الا على فعل واعلانه
سلمت ودمت بالف خير

[خليل]

جيتك معي حلمي المكنون = لمّا الشجر جفت اغصانه
وراد مثل الّذي يردون = واطوي مسافات من شأنه
مع تحياتي