المساعد الشخصي الرقمي

مشاهدة النسخة كاملة : عسى خير والدنيا كفى الله بلاويها00ياجهني


ضمن السناني
25-05-2002, 11:56 AM
أخوي الجهني

أستلم يا طويل العمر
بعد ماغبت يالصاحب نبي موجز مع النشره=وش اللي صار من عقبي وش اللي خرب العشره
على منهو من الاصحاب أبي أعتب وأبي أشره=عسى خير والدنيا كفى الله بلاويها

ياسلامي على الجهنان عز وراسي=عزوتي فالقى وأهل الوفا والامانه
بعد ما هز زلزال الجبال الرواسي=اختلف ضلع رضوى وانتحى عن مكانه
الجهني
25-05-2002, 02:25 PM
استلم ياابو عواد والحمد لله على سلامة الوصول /


اسمع ياابو عواد وخذها تفاصيل = من غاب عنا ما يحصل محاصيل
مير اترك الشرهة وبدع المواويل = عسى خير والدنيا كفى الله شرها



البقا ياالمسلم بين ربع(ن) وناسي = يوم جانا وجاب القاف عزه وصانه
ضلع رضوى ياابو عواد ثابت وراسي = ماتهزه زلازل من قدايم زمانه
ضمن السناني
26-05-2002, 12:42 AM
أستلم

والله ايسلمك ياالسنافي

واخلووووووووووووووووووووها
بعد ما وصلت الدعوى من الاثنين للقاضي=أنا مادري من الصادق من المخطي من الفاضي
ليا ضاعت حقوق العرف بين الناس فالماضي=عسى خير والدنيا كفى الله بلاويها

لو قرينا على الشاشه لقينا مآسي=لو ترى بان للاصحاب بعض الخيانه
فالسفاره مسجل السفير السياسي=والخطأمانحبه لو عليه الحصانه
الجهني
26-05-2002, 04:04 AM
استلم ياابو عواد
========

الحكم يرضي كل من كان زعلان = لاصار صادر من حكيم(ن) وفهمان
هذا كلام الصدق ماهو ببهتان = عسى خير والدنيا كفى الله بلاويها


الخطا ماحصل لك لايجي حكم قاسي = لاتناققض كلامك لايزيد امتحانه
يوم جتك المناصب ياالزعيم الرياسي = ليه كبيتها يوم انت عنتر زمانه
ضمن السناني
26-05-2002, 11:59 AM
أخي (الجهني)

صح النوم كلمة(زمانه) سرت والظاهر انك على وشك الافلاس

لكن هين عند ابوووووووووووياسر
ألا ليتك معي بالخط تمشي تكمل المشوار=على الخط السريع انته تسير ومطفي الانوار
واذا مانته معي نرفع عليك الكرت والانذار=عسى خير والدنيا كفى الله بلاويها

أنت داخل مع الخط السريع انعكاسي=وانتبه نقطة التفتيش فيها لعانه
والمناصب لنا كان أنت والله ناسي=من قديم(ن) لكن اليوم لك فيه خانه
الجهني
26-05-2002, 07:11 PM
استلم ياابو عواد /


وضح كلامك وجيب الهرج موزون = لا تخلي الامة عن الموقع يصدون
لااتنه خلف ولا المسعودي اللي يقولون = عسى خير والدنيا كفى الله بلاويها


قالوا ان الذهب مايصير مثل النحاسي = مير كل(ن) يوضح مايجيبه لسانه
خلوا المعنى واضح لا يجيه التباسي = لايجي مثل هرجة واحد(ن) بالحضانه
ضمن السناني
27-05-2002, 01:28 AM
استلم:mad: :mad: :mad:
أنا أظنك ولد عاقل وأثرك أنته ولد مجنون=تغني فاللحون اللي مضت والناس مايدرون
لكن العند لا يأخذك يالتايه مثل فرعون=عسى خير والدنيا كفى الله بلاويها

عندك افيوز لاذع يوم صار التماسي=كل ما اعطيتك المعنى تفلت عنانه
عقب ما طحت يالمقرودي تحت الكراسي=قالوا لسانك احصانك ايجيب الاهانه
الجهني
27-05-2002, 02:11 AM
استلم ياابو عواد
=========

وين انت غادي ياضمن وين انت رايح = لاجيت رايح لاتعقب فضايح
انصحك ولكن ماتسمعون النصايح = عسى خير والدنيا كفى الله بلاويها


صحوا النوم لايحصل لراسك نعاسي = تحسبنك ياابو عواد شيخ الديانه
كان رحت لظبا وعشت وسط المراسي = تعرفون الخبر وتكسبون الرهانه