المساعد الشخصي الرقمي

مشاهدة النسخة كاملة : نجـــــــــــم سهيـــــــــــــل **يالحازم


ضمن السناني
17-09-2002, 12:47 AM
أخوي الغاللللللللللللي والحبيب/ الحازم

تقدممممممممممممممممممم لاهنت
ياسلام الله سلام من السناني=للرجال أهل الوفا وأهل المعاني
ياصل الحازم مسجل في ثواني=والحقيقه مانقول الا الحقيقه

يالالال يالالال يوم نجم سهيل بان=يالالال يالالال لاتقدى بالجدي
يالالال يالالال ماهو خاسر للرهان=يالالال يالالال ولا تلفت للردي
:D :D :D
الحازم
17-09-2002, 01:19 AM
خلوووووووووووووووووووووها


البقاء لك ياضمن وانت المبدّى = جيب علمك بس حدّك لاتعدّى
من تعشى ليلته بكره تغدّى = والحقيقه مانقول الا الحقيقه

يالالايالالال عارفينه من زمان = يالالايالالال الردي والأجودي
يالالايالالال بالسلامه والأمان = يالالايالالال كل واحد يقتدي


وتقبل تحياتي

اخوك / الحازم
ضمن السناني
18-09-2002, 02:44 PM
خلووووووووووووووووووووووووها
علمنا واضح ولا بالرمز ريبه=لوحسبت المبعده ولا القريبه
يوم ساقه يمنا والله نصيبه=والحقيقه مانقول الاالحقيقه

يالالال يالالال دام واصل للعنان=يالالال يالالال ياهبايب اركدي
يالالال يالالال حذفةٍ وحده وكان=يالالال يالالال عقبها يروح ايعدي
;) ;)
الحازم
19-09-2002, 12:37 AM
اخوي ضمن استلم


خلّها في عهدة الراوي مقيمه = كان يحفظها على نيّه سليمه
يحصد الأعمال بالكف الكريمه = والحقيقه مانقول الا الحقيقه


يالالايالالال يوم جانا الإمتحان = يالالايالالال صار ضمن المبتدي
يالالايالالال وكان صارت بالرهان = يالالايالالال شوف سيفك في يدي


اخوك / الحازم
ضمن السناني
21-09-2002, 08:56 PM
أخوي الحازم

استلم والحقيقة كنت مسافر لي يومين لكن أخوي الجهني وفى

وكفى
الفريخ اللي ترى رفرف جناحه=الصقور ان كان جاته في مراحه
ضاع بين أحرار ما ترحم صياحه=والحقيقة مانقول الاالحقيقه

يالالال يالالال يوم وقت الجد حان=يالالال يالالال ماهو خافيك اجهدي
يالالال يالالال بسيف والابالسنان=يالالال يالالال نردع اللي يعتدي
الحازم
21-09-2002, 10:11 PM
اخوي الغالي ضمن

الحمد لله على السلامه

واستلم لاهنت


الفريخ اللي بدا بالإستطاعه = لو عصاه الوقت هذا الوقت طاعه
بس بعض الوقت مافيه الطماعه = والحقيقه مانقول الا الحقيقه


يالالايالالال حمد لله يافلان = يالالايالالال برجعتك نذبح فدي
يالالايالالال كان هذا الوقت شان = يالالايالالال ليت كلن يهتدي


وتقل تحياتي

اخوك / الحازم
ضمن السناني
22-09-2002, 12:50 AM
هلا بالغالي

وسلمك الله

واستلم لاهنت
لو تراها علوم والله بالمواجه=الثعل لا ماتشوف الاعجاجه
والردي مالي ومالك فيه حاجه=والحقيقه مانقول الا الحقيقه

يالالال يالالال كان ضامنها ضمان=يالالال يالالال لاتعذر يابعدي
يالالال يالالال ماذبحت الا السمان=يالالال يالالال والعرب لي تشهدي
الحازم
22-09-2002, 10:36 PM
خلووووووووووووووووها


الكلام ليا بدا جتك الأماره = والمطر كانه هطل ضيّع غباره
والردى والجود من حاره لحاره = والحقيقه مانقول الا الحقيقه


يالالايالالال العقل ضد الجنان = يالالايالالال مازهمتك سيّدي
يالالايالالال خطوتك فيها اتّزان = يالالايالالال بس مالك مقعدي


اخوك / الحازم
ضمن السناني
23-09-2002, 02:36 PM
خلوووووووووووووووووووووووها
تعتذر وأنته علىحق وتراجع=والكلام مثبتينه فالمراجع
مانويت أزيد والله فالمواجع=والحقيقة مانقول الا الحقيقه

يالالال يالالال كلها عندك سيان= يالالال يالالال أبيض(ن)والا أسودي
يالالال يالالال وأنت لاقام الطعان=يالالال يالالال انسدح والا ارقدي


:D :D :D :D :D :D :D :D
الحازم
23-09-2002, 03:13 PM
اخوي ضمن استلم لاهنت


شفت نجمٍ لاطفى يرجع يولّع = شفت مسمار الخشب موته مخلّع
شفت ورع المكتبه قام يتدلّع = والحقيقه مانقول الا الحقيقه


يالالايالالال ريم عدّا فالحنان = يالالايالالال راح والا معوّدي
يالالايالالال يامكلّف عن سنان = يالالايالالال الطريق معبّدي


اخوك / الحازم
محمد بدين
23-09-2002, 04:09 PM
الله يعطيكم العافية الحقيقة امنتعتونا
استمرا الله يعافيكم تراني متابعكم ومستمتع جدا
ومعذرة على تطفلي عليكما بالدخول فقط اردت اخباركما انني متابع فلا تتوقفا
المحب
ضمن السناني
24-09-2002, 01:20 AM
أخي المحب

شكراً لك على المتابعة وبيض الله وجهك يامال الغنيمه


أخي الحازم استلم لاهنت
المطر ترزم رعوده ياصحيبي= وانت والله نظرتك يم القريبي
والاشاره رمز يفهمها اللبيبي=والحقيقه مانقول الا الحقيقه

يالالال يالالال مارضيناللهوان=يالالال يالالال شوف فعلي تسعدي
يالالال يالالال وأنت ياكوفي عنان=يالالال يالالال للمشاكل تقصدي
الحازم
25-09-2002, 07:31 AM
خلووووووووووووووووها


كان قصدك للبحر والا السفينه = كلها ماعدّت أسوار المدينه
والبلا كان الجفا عوّد غبينه = والحقيقه مانقول الا الحقيقه


يالالايالالال بين إنس وبين جان = يالالايالالال كلها له تسجدي
يالالايالالال خل صدّام الجبان = يالالايالالال كان يقدر يصمدي


اخوك / الحازم
ضمن السناني
25-09-2002, 01:28 PM
خلووووووووووووووها
غلطتك غلطه ومحسوبه بعشره=ولو تبي تزعل عليك القوم تشره
لكن الموجز تبي تقفاه نشره=والحقيقه مانقول الا الحقيقه

يالالال يالالال زلتك زلة لسان= يالالال يالالال والبساط الاحمدي
يالالال يالالال نكبة الأقصى حنان=يالالال يالالال والحوار مقيدي
الحازم
28-09-2002, 10:25 PM
اخوي الغالي ضمن

المعذره عن التأخير في الرد لإنشغالي خلال يومي الخميس والجمعه

واستلم لاهنت


لو تبا تحسب ترى الدعوى جماعه = لو تبا تطمع ترى مالي طماعه
حافظين العهد من سن الرضاعه = والحقيقه مانقول الا الحقيقه


يالالايالالال كانها كبوة حصان = يالالايالالال مايموت السرمدي
يالالايالالال بن وهيل وزعفران = يالالايالالال صار كيف مجدّدي


اخوك / الحازم
ضمن السناني
30-09-2002, 01:35 PM
أخي الحبيب /الحازم

بيض الله وجهك

والمعنى اكتمل ياأبيض الوجه وماقصرت


وفيت وكفيت


تقبل تحياااااااااااااااااااااااتي