" موهوم صاب الوهم عقله "

[عبدالله باخت]

موهوم صاب الوهم عقله=يجرع دواء من جميع الصنف
من حال الناس تفزعله=وضعه يحتم عليك العطف
عبدالله باخت الحمدي=

[المدمر]

عبدالله باخت
لكل مقام مقال 000 يارب يعجبك الرد /



الله يشافي له العله = هو الرحيم الذي يلطف
حاسد وحاقد مايربعله = معروف مخفوف هذا الصنف

[أبو زارع]

الشاعر الكبير أبو أحمد اليك ردي المتواضع الذي لا يرقى الي ماسطرتموه من معاني غزيره ولكن محاوله من تلميذ . اتمنى ان تنال إستحسانكم


الجهل يقضى على أهله = ويردهم فا المعاني خلف
كل الذي صار من جهله = مسكين واهم وعقله خف

[أبعد الناس]

من خالف الناس في عقله=يلطف به الله عظيم اللطف
والورد يقطف على مهله=من خالفه ما عرف له قطف

[هواوي بحت]

لاشفت راع الوهم خله=ربك بعقله عسى يخلف
يزايد الطين فـ البله=مهما عليه العرب تعطف

[الاسير]

هذاك وشلك منه خله=خليك في حالتك اصرف
ياليت توصل لما وصلّه=انصحك لا تصير متلقف
شرواك درب العقل ضله=ضايع وحاسد ومتعجرف
لا راي يربط ولايحله=ماكنه إلا عمارة وقف
واجه هذاك الرجل قله=يكفي تجي للأمور بلف
اكلح ودرب العقل دله=ودرب الدسايس دليل الضعف

[هواوي بحت]

اليك ايها الاسير
لاترفع الصوت يالابله=إنته وحرفك عليكم تف
راع الوهم شكلك وشكله=اثنين متطابقين الوصف
لولاك مثله ماتوقفله=ياشروا من بالخلا يلفلف
لاعز لاذكر لامله=لابك رجوله ولابك عِرف
( اسير ) في خسه وذله=بايق وخاين ومتخلف
إستح على وجهك وقله=طس إنقلع للأسر وذلف