صفحات الأيـــــام

[خالد القليطي]

نطوي عنا أيام فالسابق=وصفحات نبدأ مع الأيام
والحظ عيا يجي شارق=غرّب مع الوقت والأحلام

[ابن عاطي]

رائعه جدا

لا فض فوك

[العطاوي]

نطوي عنا أيام فالسابق=وصفحات نبدأ مع الأيام
والحظ عيا يجي شارق=غرّب مع الوقت والأحلام


أبو تركي

منوره المجالس بوجودك يا غالي

كسره جميله ومعبره

ليست بغريبه على شاعر فذ لديه كل مقومات الإبداع

تقبل خالص التحيه
الرزق يبغاله مسابق=يغبش مع الطير ما ينلام
والحظ لابد له بارق =مرات يصحى ومره ينام

[زرياب]

عاداته الوقت مايوافق=وياتيك خالي من الاسقام
ومن مرها للحلى فارق= تلقاه ذكرى وهو مادام

[أبو زارع]

غصن رائع من الشاعر الغائب الحاضر خالد القلطي أتمنى تواجد مثل هؤلاء الشعراء المميزين كي نستفيد منهم


نطوي عنا أيام فالسابق= وصفحات نبدأ مع الأيام
بصمه من الشاعر الواثق = لأهل المعانى من الفهام

[أبعد الناس]

والحظ لا جاك يطابق=بصمه على صفحتك أيام
أيام ما تلقى سارق=والوقت يسرق مع الأيام

[خالد القليطي]

الغالي
إبن عاطي
الروعة في مرورك وتشريفك الكريم

الغالي
العطاوي
المجالس منوره بك وبرموزها وأهلها الكرام شاكر لك الأطراء
الذي لاأستحقه وبعض ماعندك ياأبوأنور
مرات يصحى ومره ينام
صح لسانك

الغالي
أبوسعود
شاكر لك هذا المرور والتشريف الكريم ونفتخر بكل حرف
شاركتنا فيه

الغالي
أبوزارع
شاكر لك هذا المرور والتشريف الكريم اللي أسعدنا
وإنشالله نتواصل أكثر فنحن الذي نستفيد منكم ومن
رموز المجالس دائما

الغالي
أبعد الناس
شاكر لك المرور والتشريف الكريم ومشكور على الرد
اللي أكرمتنا فيه

لكم من عاطر التحايا

[الرحال]

عزيزى الفاضل خالد القليطى الموقر
السلام عليكم ورحمة الله وبركاته
والله ماا درى وين كنت انا عن هذه الكسره الجميله
وهذ دليل اننى غيرسريع الملاحظه 0
عزيزى الغالى اليك مع التحيه
ما يروق فالواقع الرايق=اللى عليه الحياه الزام
ذى سنة الخلق والخالق=له عين ياصاحبى متنام

[ناصر عواد]

-


-






لا تكون في وضع متضايق=وتبقى اسير السهر متنام
لابد يضوى لكم بارق=يمطر وتلقى الهناء قدام

ناصرعواد


تقبل تحياتي وتقديري

اخوك
ناصر عواد

-



-

[خالد القليطي]

الغالي

الرحال

نورت الصفحة بمرورك الكريم وإحنا اللي مقصرين ياأبوسالم

وكم أسعدتني بردك اللي نفتخر به من إستاذ غالي علينا

كلامك درر كما عودتنا وحكمة نستفيد منها دمت لنا

ذي سنة الخلق والخالق....... له عين ياصاحبي ماتنام

صح لسانك

الغالي

ناصر عواد

أسعدني مرورك وحظورك الكريم اللي شرفتنا به

ونفتخر بردك كثيرا اللي رسم لنا الأمل وهذا هو حرفك

رائع بروعة حظورك الكبير دمت لنا

لابد يضوي لكم بارق...... يمطر وتلقى الهنا قدام

صح لسانك

لكم مني عاطر التحايا