تدهور حاله ينساب ( العيون اللى تصيب وماتسمي)

[أبو زارع]

عاد الالم للسهم ثانى = وتبددت كامل الاحلام
أنت على سهمك الجاني = عايش مع السهم فى أوهام

[ناصر عواد]

-

-



اخي الغالي ابو زارع
اسمح لى اقول عكس هذا بعد اذتك

خلك لطيب الامل باني=يمكن يزين الخبر قدام
ولاتكون للرزق عجلاني=الزين باعلى سعر ينسام
ناصرعواد



اخوك
ناصر عواد

-
-
-

[النادر]

اه تم اه تم اه

يابو زارع ليتها جات على ينساب والتبرع بالدم الا السوق كله صار دم للركب

على قدي من القهر

السوق اليوم اشقاني = اخلف موازيني مع الفهام
سيل الدمع من عيني = وردني لسابق الاعوام

[الظاهري]

ترا سوقنا واعد يابو زارع انتظر فترة بسيطة وراح يرجع كل شي زي ماكان وافضل من السابق لايلهفون حلالك الرجاجيل
(خذها نصيحة اخو عزيز)...........
الميعاد اقل من اسبوع يابو زارع

[المعلم]

ياأبا زارع
سهم ينساب ما ينساب
تحيتي لك

[أبو زارع]

الشيخ ناصر عواد . الاستاذ النادر . والاخ العزيز الشاعر الظاهري اللى طول الغيبه علينا . والأستاذ القدير المعلم
الف شكر على المراديد الرائعه وثقو تماما أننى سوف أخذ بنصائحكم الغاليه .

[أبو واصل]

أخي العزيز / خضر

أبشرك السهم اليوم أرتفع من جديد


السهم ما هو على خبري = اليوم عاد ارتفع ثاني
و إن طعتني شاوره ( صبري ) = خبير أسهم تعداني

[البندر]

كل ماعليها ترى فانى = والعلم عنده هو العلام
والحل تلقوه يااخوانى = مكتوب فى صفحة الايام
خلك على عزم وايمانى = واصبر ترى الصبر للفهام
وفالسوق خسران وكسبانى = حلاوة الربح فالاسلام
البندر _ ينبع
البندرى
البلديه
1427/1/2هــــ