لناصر الحجورى

[الرحال]

لك اخى ناصر الحجورى مع التحيه
سلام للبلبل الرايق=اللى مروق على الأغصان
لايق على ذوقه اللايق=كل الذى تشوفه الأعيان
مع اجمل تحياتى يغالى

[ناصر الحجوري]

جانا المثل رايق وفايق = معزوفته سلطنة سلطان
جديد ماهو لحن سابق = والحرف يعزف به الفنان

[الرحال]

من ضايقه قلبى الضايق=شاف العنا والعذاب الوان
وش الذى يردع البايق=اللى لعهد الوفى خوان
الرحال

[ناصر الحجوري]

الشي هذا منه واثق= ياكم خاين لعهده خان
اجزم لونه معك صادق = عليه نقض العهد ماهان

[غريب الشرقيه]

يالطيف على الكلام الحلو تكفون كملوا خلونا نستفيد منكم وصح لسانك يارحال انت وناصر مليون

[الرحال]

اخونا العزيز غريب الشرق
شكراً لك على هذ المرور
الذى اسعدنا ياغالى
حبيبى الشاعر الدولى ابو محمد
اليك مع التحيه

مانى لهذا الأسى طايق=والكيد متسلطن الوجدان
آنا اتعذب وهو رايـق=ما كن شى افحياته كان

[ناصر الحجوري]

اخي ابو سالم
اسف على ايطالة الرد
واليك المردود الاخير

كل غيم لابد له بارق = وكل حي له في حياته شان
مثل الذي في سهم عالق = اما كِسب أو طلع خسران
يامن بجور الاسى ناطق = الغيض محتاج له كضمان
واللي نقض عهدك السابق = لاتجعله في نظرك انسان

[الرحال]

واللى نقض عهدك السابق=لاتجعله فىنظرك انسان
تسلم يابومحمد على هذ الرد الجميل اجمل تحياتى لك
ياغالى
شاكر ومقدر هذ الأحساس النبيل تواصلك يسعدنى
لك تحياتى وتقديرى