ماغيب الطرف خوف تغيب

[القالط]

خلك معى دايما موجود = لنى ندهت علىّ جيب
دونك حياتى لهد ولهود = ماغيب الطرف خوف تغيب

[العطاوي]

قلبي معك يا سليل الجود =ما تغيب عن خاطري يا ذيب
وضعك تغير عن المعهود=أمسى يودي معي ويجيب

[خالد القليطي]

شكرا أبا نواف

غيرت اللون لاكن تبقى الروعة كما تعودناها

وضعك تغير عن المعهود.....أمسى يودي معي ويجيب

كبير يالعطاوي سلمت يمينك

تحياتي لكم

[القالط]

شكرا جزيلا لك ياابا تركى لك منى التحيه والتقدير


اليك اباانور مع التحيه
هى حياة العليل زهود = مهما عدل حالها مايثيب
ياصاحبى اعترتنى سهود = سهود منها الرواسى تشيب

[العطاوي]

عزيزي الغالي

الأستاذ المتواضع بما تعنيه الكلمه

تقبل من إبنكم هذا المردود

تحياتي


لابد ترجع سهود مهود=مشهود لك فكت التنشيب
دايم تمعنا خوات ل. هود= فيها الصبر للزّلل تشطيب

وأقول لأبوتركي نورت الصفحه بتواجدك يالغالي

ما عليك زود يالحبيب سمننا ودقيقنا واحد

يأبن العم

تقبل فائق تحياتي

[القالط]

اليك اخى ابو انور مع التحيه
بذلت له غاية المجهود = بالود واللين حتى الطيب
صبرى تعدى على المعدود = يصيب مره ومره يخيب

[العطاوي]

الغالي أبو نواف

أسعدتنا ياغالي بهذا التواصل


باب الأمل ما يجي مردود=إصبر وسايس فيوم تطيب
لاشد إرخي رخي مشدود=يرجع على كيفك التقطيب

[إبراهيم المحياوي]

صبري تعدى على المعدود=يصيب مره ومره يخيب
القالط



لاشد أرخي رخي مشدود=يرجع على كيفك التقطيب
العطاوي



والله كلام جميل وحنا متابعين
ودمتم لنا ياأساتذه يا مبدعين

[القالط]

الاخ العزيز راع البل شكرا جزيلا على مرورك ودمت صديقا


الى ابو انور مع التحيه
كل ما حاولت المحبه تسود = ارجع ولاقى امور تخيب
وان قلت مابيننا مسدود = اسمع على خاطره تعذيب

[العطاوي]

هذي نوايا النفوس السود=عاداتها دايم التخريب
إكشف حقايق عن النمرود=بين له منافر التقريب
إثبت له النقد فالمنقود=وفعل المخرب له التأديب
من بعدها لّزمه بحدود= إن حاد إغسل يديك وسيب

[القالط]

على راسى ياابو انور
شكرا جزيلا على
تلطفك ومحاورتك الابداعيه
كعادتك لك التحيه والتقدير