المساعد الشخصي الرقمي

مشاهدة النسخة كاملة : بعد التحيه مشتكى إلى عموم الشعراء (وش ناتج حساب أفاته ؟؟؟)


العطاوي
16-02-2006, 06:34 PM
أبدي سلامي على الوافين =وكل من تجينا إفاداته
حيٍ زرع في روات الطين = في حرث قلّب ملفاته
ذراه ما هندسه تهجين = من ماضي الأرض غلاته
لا طعّم الزرع بالتحصين = وش ناتج حساب أفاته ؟
وادي الصفراء
16-02-2006, 11:37 PM
ترحيب يا قدوة الناشين=وإستاد للقيل عاداته
يامن تغـنيت حين بحين=أطرب بنسجه وكسراته
من ميّز القاع بالتحسين=وقاس جوده وحالاته
من قبل لا يفحي اليدين=يمنع كريكه ومسحاته
العطاوي
18-02-2006, 08:27 PM
يا عدّ معنا مع التثمين=الجرد خالص حساباته
كمّل وجمل ووفا زين=محبوك ردك على قداته
الشكر يوصل لكم شكرين=تفصيل محبوك لبساته
واثانيه لك عليه دين= من غلته لك فراحاته
أبعد الناس
19-02-2006, 01:48 AM
الله يحييك المعين=ويعين حصاد زرعاته
الزرع يبغاله سنين=مع طولها بمدارته
وليا زرعت بلا تمكين=حصادك القى مغباته
ولا تزرع الطين فوق الطين=وجارك لاتكثر مجاراته
العطاوي
20-02-2006, 03:01 PM
الله يحييك المعين=ويعين حصاد زرعاته
الزرع يبغاله سنين=مع طولها بمدارته
وليا زرعت بلا تمكين=حصادك القى مغباته
ولا تزرع الطين فوق الطين=وجارك لاتكثر مجاراته




يا أبعد الناس قول أمين =ربي يبصرك فأياته
الزرع أفتاه زراعين=وتمموا علم شتلاته
فتوه تلت ناقصه غصنين=نصابها ناقص أبياته
والجار ما جار متفقين=القلب واحد فنبضاته
الدمع
20-02-2006, 03:38 PM
الله عليك 00 يااستاذ زكي
انت شاعر رسمت لنفسك خط احترمه الجميع وقد فرضت
احترامك بكل ثقة تدل على ذوق اخلاقك 0000
فهذا هوالشاعر المحبوب
يتجاوب معه الكل للاخلاق اولا ومن ثم ياتي الشعر فهنيئا
لك يالعطاوي ماتنتهجه بروعة الاسلوب 0
العطاوي
20-02-2006, 09:29 PM
الأخ الفاضل

الدمع

حياك الله يالغالي

الدمع دائماً رحمه على الإنسان

ونزوله دائماً يرتبط بحادثه قويت الوقع

على بني البشر

وإسمحلي أن أتقدم لك بالشكر الجزيل

لإكمال حالات الدمع

تحياتي


للدمع هلات في ثنتين=والثالث أحيان دمعاته
دمع الفرح لا بدا فالعين=القلب فالنوف فرحاته
ودمع الحزن لا بدا موشين=رحمه من الرب هلاته
والثالث اللي مابين وبين=تثاؤب النوم عاداته
أبعد الناس
20-02-2006, 10:00 PM
لاصرنا حنا متفقين=اللي يجي منك بس هاته
لاتشوف زرعك يوم يبين=وتصعب اليوم روياته
ولاتقرا فكتاب التثمين=والسور تمشي محاذاته
خليك للواقع وتبين=وتشوف زرعك ورقاته
العطاوي
20-02-2006, 10:22 PM
لاصرنا حنا متفقين=اللي يجي منك بس هاته
لاتشوف زرعك يوم يبين=وتصعب اليوم روياته
ولاتقرا فكتاب التثمين=والسور تمشي محاذاته
خليك للواقع وتبين=وتشوف زرعك ورقاته



على راسي

يا أبعـد الناس

ماشي يالحبيب اللي تشوفه

منكم نستفيد


تحياتي