تساؤل ؟؟؟؟؟ ( بحرية الصف مفقودة )

[جبارة العروي]

ليلة وفيها كلام يليق=وبحرية الصف مفقوده
مدري خطا سار في التنسيق=ولا من منفذ بنوده


تحياتي وتقديري

جباره العروي

[ياسر الكبيدي]

أجهد فالإعلام والتسويق = وكب المعايير والجوده
خلى وسيع الصفا به ضيق = دعوه و الأسماء محدوده

[ناصر الحجوري]

يبغالها المسئلة تدقيق = وانته من رجال معدوده
لك حق لو تجري التحقيق = وتشوف منهو شقر عوده

[جبارة العروي]

الأخ ياسر الكبيدي
شكرا على تجاوبك ولاعدمتك


راع الفرح جانب التوفيق=عليه ثغرات مشهوده
لوفكر بناتج التطبيق=بنفسه يكرس أجهوده

[جبارة العروي]

الأخ الشاعر ناصر الحجوري
شكرا لك
ولي عودة
تقبل تحياتي

[ناصر الحجوري]

انا متابع لك ولياسر فالهدف واحد
ولا تشغل بالك بالرد على اعتراضي للكسرة

[جبارة العروي]

الأخ الشاعر ناصر الحجوري
شكرا على سرعة تجاوبك
وشكرا لثقتك بي
وشكرا على المتابعة
ولكن فيه من هو أكبر واجدر مني في حل هذا التباعد؟


لسار فيه الصفا تفريق=مداخل الحل مسدودة
لاتحمل القلب مالا يطيق=يكفي ما جاني من لهوده
وعنصر نجاحه بلا تلفيق=شاعر مع صفوف موجوده
بدوننهن يفقد التشويق=هذي حقايق ومرصوده


تقبل تحيات أخوك جبارة العروي

[يزيد]

على خشمي يا أبو سعيد
شخصت العلة وعرفت الداء
ولكن من يعترف ممن كان السبب في هذا التفريق
إنهم يكابرون ويعتبرونها ليلة ناجحة مع الأسف

[حافظ]

جباره صل على النبي ليله وراحت فى حالها

[ناصر الحجوري]

واضح مايحتاج للتعليق = يسد الاعصاب مشدوده
ليلة وتحتاج للتوثيق = تاريخ لامثال مجروده
إستوفت الختم والتصديق = وعلى الملايين مسروده
مايهمنا لو وراناحِيق = بعض المخاليق مقروده

[غريب الشرقيه]

صح لسانك ياجباره العروي وصح لسانك ياناصر الحجوري كلام يبغاله توثيق فعلا


لسار فيه الصفـا تفريـق=مداخـل الحـل مسـدودة
لاتحمل القلب مالا يطيـق=يكفي ما جاني من لهوده
وعنصر نجاحه بلا تلفيق=شاعر مع صفوف موجوده
بدوننهن يفقد التشويـق=هذي حقايـق ومرصـوده







واضح مايحتاج للتعليق=يسد الاعصاب مشـدوده
ليلة وتحتـاج للتوثيـق=تاريخ لامثـال مجـروده
إستوفت الختم والتصديق=وعلى الملايين مسروده
مايهمنا لـو وراناحِيـق=بعض المخاليق مقروده

[جبارة العروي]

صح لسان من وصل الي هنا

الاخ الشاعر ناصر الحجوري شكرا لمرورك وصح لسانك على المراديد
الاخ يزيد شكرا لمرورك
الاخ حافظ شكرا لمرورك
الاخ غريب الشرقيه شكرا لمرورك والبرد كان قارص في حايل
واسف على التاخير في الردود لاني كنت في رحله الي العلا وعروس الشمال حايل