المساعد الشخصي الرقمي

مشاهدة النسخة كاملة : اللي عقد روس الحبال ايحلها **يالحازم


ضمن السناني
13-09-2002, 01:57 AM
أخوي الحاززززززززززززززززززززم استلم يالقرم

والوعد غدا الساعه الثانية والنصف ظهرً
أشوف أبو زيد الهلالي مايخاف ولاايهاب =والمعركة دارت على راسه وفر من النشاب
مير البقى في رأسك الليله بابن غانم ذياب=أقولهاواللي عقد روس الحبال ايحلها

بعدماأبو زيد خاف انذبح بعده ذياب=وجهز الأكفان والنار من شبابها
يحسب ان المعركه بين هرج وضحك ناب=يوم جوه سنان والنار من شبابها
الحازم
13-09-2002, 02:16 PM
اخوي ضمن تفضل لاهنت وانا على الموعد


ياللي تناظر فالشمال وتلتفت يم الجنوب = أقول لك ياصاحبي غنّي وهبّي ياهبوب
كم واحدٍ قال وسكت ,كم واحدٍ لاأذنب يتوب = أقولها واللي عقد روس الحبال يحلّها


السماء فيها قمر والبحر تحته تراب = وضّح العنوان والنار من شبابها
المعارك لابدت قامت تطير الرّقاب = وكلّنا جهنان والنار من شبابها


اخوك / الحازم
الجهني
13-09-2002, 02:56 PM
الأخوين الرائعين ضمن & الحازم الله يعطيكم العافية على هذه المحاورة الرائعة واصلا هذا الإبداع وعجل علينا بالرد ياضمن ترى من البارح وحنا منتظرين هذا الموعد مع تمنياتي لكما بالتوفيق 0
ضمن السناني
13-09-2002, 03:03 PM
خلوهاااااااااااااااااااااااااااااااااا

وأسف على التأخير فقد حضر عندي ضيف

واستلم
أنا أدري انك فارس تخوض المعارك والحروب=والمشكله وان كان جولك من شمال ومن جنوب
ويش معدالك ومعذارك ليا جوك الحروب=أقولها واللي عقد روس الحبال ايحلها

القمر دونه فضاء والبحر دونه سراب=عندنا البرهان والنار من شبابها
وأنت لاهالحين مازلت في سن الشباب=يوم نجمك بان والنار من شبابها
الحازم
13-09-2002, 03:26 PM
اخوي الجهني

الف شكر على المتابعه والله يعطيك العافيه

اخوي ضمن اســـــــــــــــــــــــــتلم


الفارس اللي يثبت وجوده بوسط المعركه = وليا تكلّم واحدٍ ضده بخشمه يفركه
وان جاه ظالم قال انا ظالم ماأظنه يتركه = أقولها واللي عقد روس الحبال يحلّها


كان حظك فالسؤال انتهى قبل الجواب = ضاعت الألوان والنار من شبابها
العمر ياضمن بيمر من مر السحاب = والعدل ميزان والنار من شبابها
ضمن السناني
13-09-2002, 03:47 PM
شكراً اخي الجهني

أما الحازمممممممممممممممممم 00خلوها
الفارس اللي مامعه خبره ولادبره يطيح=لاقامت الهيات في وسط المعارك لو يصيح
يموت يالشاطر ترى وأنا نصحتك يالفصيح=أقولها واللي عقد روس الحبال ايحلها

السؤال اللي مسجل على وجه الكتاب= زعل الاخوان والنار من شبابها

وأنت يالحازم ترى فيك شكه ورتياب=يوم مات فلان والنار من شبابها
الحازم
13-09-2002, 04:10 PM
خلوووووووووووووووها


ياكثر من شفته بوسط الناس ميّت بس حي = ياكثر من قام ورقد ياكثر من نام وصحي
بعض العرب بس الشنب والبعض منهم ملتحي = أقولها واللي عقد روس الحبال يحلها


شفت ياحلو الأجر شفت يامر العذاب = صار هرج لسان والنار من شبابها
يالسناني لاتقول الملامه والعتاب = إحذر الأعيان والنار من شبابها


اخوك / الحازم
ضمن السناني
13-09-2002, 04:15 PM
الموعد بعد صلاة العصر


قم صلى أبرك من القصايد والسوالف
ضمن السناني
13-09-2002, 04:50 PM
خلوووووووووووووووووووووووووها
أنته تقوله مير رأسك بين رمح وبين سيف=لو نشلعه بين المتون ايطيح والله يالطيف
لكنك أنت حليل ماتخلف كلامي ياظريف=أقولها واللي عقد روس الحبال ايحلها

الشنب فوقه شنب واللحى فيها الخضاب=فرقهن شتان والنار من شبابها
ولا تقول ان الملامه علينا يوم غاب=يصدم الضلعان والنار من شبابها
الحازم
13-09-2002, 05:14 PM
الله الله استــــــــــــــــلم


المسأله لو انها بالشكل كان إنك جميل = لكنها ماتنتهي يالين نفرح بالدليل
بس انت وش تختار مابين القصير من الطويل = أقولها واللي عقد روس الحبال يحلها


الثقل بالعقل ماهو ترى ثقل الجراب = والمطر هتّان والنار من شبابها
لو تحسب البعد تلقاه ضد الإقتراب = سير فالميدان والنار من شبابها


اخوك / الحازم
ضمن السناني
13-09-2002, 05:38 PM
خلووووووووووووووووووووووووووها
دليلها عندي مثبت ثابت مثبت وبان=في صفحة فيها علوم الشيخ يضوي فالمكان
لكنها لو تنتهي تراي كاسب للرهان=أقولها واللي عقدروس الحبال ايحلها

من يحكم عقله وينتخي وقت النشاب=يجني الاثمان والنار من شبابها
ولوحسبنا البعد والقرب طاحوا بين ناب=وتطحن الاسنان والنار من شبابها
:D :D
الحازم
13-09-2002, 06:09 PM
تفضل لاهت


روح انتظر في موقف النقل الجماعي وانتبه = وان جاك واحد يسألك لاتقربه لاتقربه
تراك لو غيّرت في وجهتك جاب المرتبه = أقولها واللي عقد روس الحبال يحلها


شفت ريش النسر طايح على عش الغراب = سافر لعمّان والنار من شبابها
مايحل الدفع حتى يجي حد النصاب = وانت عندك شان والنار من شبابها


اخوك / الحازم
الحازم
13-09-2002, 06:24 PM
اخوي الغالي ضمن

اعتذر عن الإكمال لإنشغالي ببعض الأمور

وتقبل وافر احترامي ونقديري

اخوك / الحازم
ضمن السناني
13-09-2002, 06:40 PM
خلوووووووووووووووووووووووها
حجزي (OK)ورحلتي ياصاحبي وسط المطار=مير أنت فالنقل الجماعي مدري فالقطار
والسفر متعب ورمز اللغز جاكم باختصار=أقولها واللي عقد روس الحبال ايحلها

خاب ظن الربع مير أنت فيك الظن خاب=كلها سيان والنار من شبابها
والخطأ مايرجع الليله وربي صواب=واحفظ الاركان والنار من شبابها
:D