الدينماركي اللعين

[باسم]

ياليـل مـا يسـهـرك غـيـر العاشقـيـن
وإلا الشقـاوي اللـي همـومـه تسـهـره
وأنــا سهـرتـك والخـلايـق نايـمـيـن
أرعـى النجـم والجـوف نــاره تسـعـره
ماهيـب نـار أهـل الـهـوى ياسامعـيـن
نـاري شـعـورٍ كــل مسـلـم يشـعـره
إستفحـل أمــر المشركـيـن الكافـريـن
ولاعـاد بـاقـي شــي حـتـى نخـسـره
الأرض ... ! والأرواح...! والعرض الثمين...!
راحـت ....ونـخـوات الـرجـال مـخـدره
نصـف الشعـوب المسلـمـه مضطهـديـن
من مجزره... في مجـزره... فـي مجـزره
والنصـف الآخـر ...! للأسـف متفرقـيـن
قـلـوب شـتـى والـنـفـوس مـغـيـره
مليـار مسلـم.... فـي الأمـم مستضعفيـن
والضـعـف مايـرضـاه رجــل ولامــره
مليـار مسلـم.... فعلنـا ينـدي الجبـيـن
والــذل فيـنـا مــا حــدن يستنـكـره
واكـبـر دلـيـل الدانمـركـي اللـعـيـن
قــام يتـطـاول بالـرسـوم المـنـكـره
يـرسـم نـبـي الله بالـرسـم المشـيـن
شـلـت يميـنـه مــع يمـيـنٍ تنـشـره
مـا عـاد باقـي إلا أسـدنـا والعـريـن ؟
إن كـان فيـنـا صــوت هـيـا نجـهـره
وإلا الفـعـل هيـهـات ماظـنـي يـبـيـن
الفعـل يبـغـى لــه عـيـون محـمـره
أمثـال "أبـو متـعـب" كـعـام المعتـديـن
اللـيـث... والضـرغـام.... والغضنـفـره
يـا سيفنـا يادرعنـا الضـافـي الحصـيـن
صوبـك عـيـون المسلمـيـن مسـمـره
ماعـاد فيـهـا يــا إمــام المسلمـيـن
إنمـا نصـرت الـديـن منـهـو ينـصـره؟
أنـت الزعيـم اللـي جمـع دنيـا وديــن
عـز الصديـق ومــن يـعـادي تقـهـره
إجـمـع شـتـات الاخــوة المتشتـتـيـن
حتـى يجـي لجـهـود الإخــوان ثـمـره
وإلعـن ثـوا الملعـون واللـي لـه عويـن
دامـه رفــع رأســه عليـنـا كـسـره
خـل العـدى لاشـافـوا العـلـم اليقـيـن
حمـرُ وفـرت يــوم شـافـت قـسـوره
وحنـا معـك مهمـا حـصـل متكاتفـيـن
الـصـف واحــد والـقـوى مستـنـفـره
الـكــل عـسـكـر مانقول:مواطـنـيـن
حـنـا الـوسـط والميمـنـه والميـسـره
صحـيـح حـنـا مسالمـيـن وطيـبـيـن
وأكـيـد دم الخـصـم عــادي نـنـثـره
شعب السعـودي فـي المواقـف مـا يليـن
الشـر وأهـلـه بـأمـر ربــي نـدحـره
شرسيـن مـن عصـر الجـدود الأولـيـن
مـن قـبـل خـالـد والزبـيـر وعنـتـره
منهاجـنـا الإســلام والـحـق المبـيـن
وإنمـا نصرنـا الديـن منـهـو ينـصـره؟