امايتمريس ويبقى راس

[ابو فواز]

عند الوغا تقرع الأجراس=والكل ياقف على حصونه
اما يتمريس ويبقى راس =ولايتعذر عن الحونه

[أبو زارع]

للطيب والمعرفه نبراس = والقن ما يجهل شؤنه
فز وتصدى لها القرناس = من خوف بكره يلومونه

[البندر]

شهاده لله لك احساس=وفالقيل لك شان يطرونه
نبغى نغم يطرب الجلاس=لحان وقته تعزفونه
البندر _ ينبع
البندورى
1426/12/28هــــ
/////

[المحيط الهادي]

البعض في منصبه منحاس = محتار منهو يعينونه
الا الذي راس ماينراس = له عزوته مايخلونه

[جاء يطل]

لما الطنََف طنَفّوبه ساس = يبقى الزمن ضاع موزونه
والمريسه في قفى الحراس = وقت الوغا كّر ,, ملعونه
مع فائق التحية

[ابو فواز]

عند الوغا تقرع الأجراس=والكل ياقف على حصونه
اما يتمريس ويبقى راس=ولايتعذر عـن الحونـه
ابو زارع

للطيب والمعرفه نبراس=والقن ما يجهل شؤنـه
فز وتصدى لها القرناس=من خوف بكره يلومونه
البندر

شهاده لله لك احسـاس=وفالقيل لك شان يطرونه
نبغى نغم يطرب الجلاس=لحان وقتـه تعزفونـه
المحيط

البعض في منصبه منحاس=محتار منهو يعينونـه
الا الذي راس ماينراس=له عزوتـه مايخلونـه
جاء يطل

لما الطنََف طنَفّوبه ساس=يبقى الزمن ضاع موزونه
والمريسه في قفى الحراس=وقت الوغا كّر ,, ملعونه
ابوفواز

تسمع صداها مابين الناس = ليلة من القيل مضمونه
فيها المعاني على مقياس=ومنهو تحدى يتحدونه

والشكر لجميع الأخوة على مداخلاتهم

[زرياب]

ياسلام ياسلام
يا استاذنا
يا ابوفواز
نبرة تحدي
ووصف عجيب
احييك
واسجل اعجابي
اخوكم
ابوسعووووود

[المودع]

ياسلااااااام والله كسرات حلوه وراااااااائعه

الله يعطيك العافيه يابو فواز

[ابو فواز]

الأخ العزيز / ابو سعود
الأخ العزيز / المودع
الكل منكم يشكر على مروره وعلى حسن العبارات التي من القلب الى القلب ونحن نستقيد منكم
ومن تشجيع الناس الطيبين امثالكم المؤمن مرآة اخية مقدرلكم الشعور النبيل وتحياتي للجميع