ألى امير الحرف والحبيب الغالي مرسول

[أبو زارع]

بس آمّا تيجي وانا أحكيلك = عليّ جرالي بعد ما غبت
مرسول ابعت مراسيلك = رتم الهوى كيف فى (إجبت )



(بس آمّا تيجى وأنا أحكيلك على جرى من مراسيلك ) للفنان التونسى صابر الرباعي

[ناصر الحجوري]

ياطيب القلب ياحليلك = مايروح لولا المزوح الكبت
بالسمسميةاغنيلك = اللي جرالك جرالي وطبت

[أبو زارع]

فالقيل وصلت مواويلك = شط البحر والفضا والخبت
ووسط المجالس قناديلك = نفخر بها يا حسين النبت



صباح الخيرات يا بو محمد معلش عارف أنى أزعجتك لكن هاذي ضريبه الشهره وسع بالك علينا ماكو فكه ,,, أبو محمد أسمع هذه الطرفه
من الزملاء العزيزين معاي فى العمل أخ العريس على بدين القايدى وعلي بطبعه هادي جدا قمه الاحترام قال الله يحيك زواج اخوي الأسبوع الجاي قلت له مشكور جاتنى,, قلت ياعلي انا أذا نويت اجى للزواج ما هو على شانك على شان اللي يقدرون الشعار ألحين اللي تقولي الدعوه وصلت على البيت وعن طريق المنتدي قال وش وداك للمنتدى هذا على شان أهل الرديح والشعار . قلت علي لو سمحت عن الغلط شكلك ماتعرفنى انت روح أسأل أخوك فى المنتدى يعرفنى وانا لعلمك (قايد صف الهيئه الملكيه) ولو غبت ترى ما حيكون في رديح ..وتشوف وش اسوي بشعار ينبع وشعار املج الي مسوين رباطيه علي يوم الرديح ولحالي لعلمك وخاصه ناصر الحجوري انا اتمنى اقابله من زمان .. استفزه الكلام وعصب علي ,, قال كم رديح شاركت وش رصيدك من الكسرات ومن شهدلك من الشعار قلت أما الشهود كثير عد وغلط كثر شعر راسك والرصيد كسرتين مع أبو فياض ... وكسرتين مع ناصر قال كمل ايش كمل كم رديح قلت هذا اول رديح قال ايش هذا كل اللي عندك . قلت اصبر ياعلي وش فيك مستعجل نسيت اهم شي . قال وش نسيت قلت وبالاسماء المستعاره عد عندك ياابو بدين ( 6) كسرات مع خليل 200 مع البندر ومع أبو فواز 11كسره هذا ما هو رصيد وش تبغى اكثر من كذا طالع فيه وعرف أنى امزح قال عصبتنى ياشيخ حرام عليك ولو ما هو مستحي مني كان صفعني كف ... ههههههه

[مرسول]

مشكور يا أعز الأصحاب وشكرا لأبو محمد شاعر الجيلين .

لسّه على الدمع منديلك=جفت دموع الغرام وتبّت
لا النيّل نيّلي ولا نيّلك=أتبّع حبيبك ولو بالتّبت

زعلان منك يا أعز الأصحاب
أكثر كسراتك مع مرسول وعمه الساعي
بس أمّا تيجي وانا احكي لك

[المودع]

حلو يابو زارع كسره فيها تجديد