بيان للقلب

[أبعد الناس]

بياني للقلب ويدينه=وبياني قايم باركانه
يا كيف قاسي مع لينه=وياكيف ثامل فالحانه
وهو لا يطرب بنعينه=وللرقص مغنى باشجانه
ويلحن الحب في حينه=ويازين اعذب الحانه
لا دق وطالت سنينه=الشوق زايد لاوطانه
والكف تشيله وامينه=والكف ناعم باحضانه
والفطنة فطنة فطينة=والخبث مثل السرحانه
وان يسمع الصوت بسينه=راصد عددها اسنانه
وما عاد للحقد سكينه=تجرح وخايب شيطانه
والحق مرصود له دينه=وياكثراسامي الديانه
ورفيقه اللي وش زينه=خلاه قايد ربانه
وبحر الهوى هم مالينه=وغزيره حتى شطآنه
حظيظ من كان مغلينه=وحظيظه امه واخوانه
ما ينسى حبه و مسكينه=تحب حبه من شانه
والرد رده قرينه=مع أطيب مواقف ميدانه
عدوه اللي من دينه=يبرا ويعادي خلانه
ومن الود جامع خزينه=والحجم زايد باطنانه
ومن الثقل يوزن موازينه=حتي يساوي اوزانه
هذا كلامه مغلينه=بلسان يصونه من صانه
هذا اللي دار بيني وبينه=ومكانه باقي فالخانه
أبعد الناس